समुद्री सतहबाट ३ हजार २ सय ९५ मिटर उचाइमा रहेको जलजला करिब ४७ हेक्टर क्षेत्रफलमा फैलिएको घाँसे मैदान क्षेत्रको रूपमा चिनिन्छ ।

जलजलाको पुरानो नाम ‘गामा’लेक हो । घाँसे मैदान, दलदले जमिन क्षेत्रमा पानी जम्ने र खुट्टाले टेकेपछि टेकेको ठाउँ वरपर जमिन हल्लिने भएकाले दलदलेबाट जलजला भएको हुनसक्ने स्थानीय जानकारहरू बताउँछन् ।

भामा गुफाबाट १२ भाइ बराह र २२ बहिनी बज्यू उत्पत्ति भई नेपालको विभिन्न स्थानमा गएर बसोबास गरेको भन्ने धार्मिक कथन अनुसार  भामा गुफालाई स्थानीयहरूले बराहको उत्पत्ति स्थल भनेर मान्ने गर्दछन् ।

जलजलामा अवस्थित बराह मन्दिर र भामा गुफा रोल्पाको मात्र नभई अन्य छिमेकी जिल्ला रुकुम, सल्यान, दाङ, प्युठान, बागलुङ, अर्घाखाँची, सुर्खेत बाँके, बर्दिया लगायतका जिल्लावासीहरूको आस्थाको केन्द्र मानिन्छ ।

वैशाख पूर्णिमा, जेठ पूर्णिमा र श्रावण पूर्णिमा गरी वर्षको तीन पटक बराह देवता पुज्ने मेला लाग्छ । श्रद्धालुहरूले सयौँ भेडा र कुखुराको बली दिने गर्दछन् । धार्मिक स्थलको पूजापाठ दर्शन गरेपछि मनोकाङ्क्षा पूरा हुने र सन्तानको लाभ हुने जनविश्वास रहिआएको छ भने मंसिर महिनामा कुल देवताको पूजा गर्दा बराह देवताको पनि पूजा गर्ने गरिन्छ ।

जलजलामा करिब १४ प्रजातीका गुराँस फुल्दा इन्द्रेणीझैँ वनपाखा देख्न सकिन्छ । हिउँदको समयमा जलजला क्षेत्रलाई हिउँले ढाकेर सेताम्मे बनाएको  हुन्छ । ३ हजार मिटर भन्दा उच्च स्थानका लेकहरूमा जेठ असारमा फुलिरहने फूललाई स्थानीयले चिमाली र बुकी फूल भन्दछन् । उच्च पहाडी क्षेत्रमा पाइने धेरै प्रकारका घाँसे प्रजातीका फूलहरू फुल्दा साउन–भदौ महिनामा यहाँका क्षेत्रहरू अत्यन्तै मनमोहक देखिन्छन् ।

जलजला क्षेत्रमा घोरल, थार, रतुवा, हरिण, बँदेल, चितुवा, भालु र दुर्लभ रेड पाण्डा लगायत जङ्गली जनावरहरू पाइन्छन् । जलजला क्षेत्र डाँफे, मुनाल, कालिजसहित सयौँ प्रकारका चराचुरुङ्गीहरूको बासस्थानको रूपमा पनि चिनिँदै आएको छ ।

सतुवा, पदमचाल, पाँचऔले, चिराइतो, सुनगाभा, सुगन्धवाल, सुनाखरी, समायो, चुत्रो, गरेली फूल, दालचिनी, तेजपात, बोजो, कचुर, पुदिना, टिमुर, सिल्टिमुर, धम्पे, सिङग्ली मिङग्ली, रुकन, ढुंगेफुल लगायतका जडीबुटी प्रशस्त पाइन्छ ।

सिस्ने पुथा, धवलागिरि, नीलगिरि, अन्नपूर्ण, माछापुच्छ्रेलगायत हिमशृङ्खलाको मनोरम दृश्य देख्न सकिन्छ । जलजला क्षेत्रको जमिनबाट लगातार रूपमा रसाइरहने पानीको कारण त्यहाँको भू–भाग सिमसारमय छ । त्यसैले लुङ्ग्री, माडी र धाङसी खोलाबाट बग्ने पानी राप्ती नदीको उद्गम स्थल भनेर जलजलालाई मानिन्छ ।

शनिबार, २ पुस, २०७९ गते

Comments

सम्बन्धित खवर

लोकप्रिय

धेरै पढिएको

संघर्षशिल युथ क्लबको दास्रो अधिवेशन सम्पन्न, अध्यक्षमा डुबा भोटे

किमाथांका नाका खोल्न परराष्ट्र मन्त्री साउदसँग सांसद दिपक खड्काको माग

संखुवासभाका अन्तराष्ट्रिय पदक विजेता नेपाली धावक निमेश गुरुङ सम्ममानित

राबा बैकको लोगोसंगै कार्यकारी प्रमुख किरण श्रेष्ठको तस्वीरले चुम्यो अफ्रिकाको चुचुरो

बर्दिवासको घाम बोलको गितमा गायक वाङछिरीङ भोटियाको अर्को सफलता

चुनौतिसंगै लाक्पा शेर्पा अर्को कीर्तिमान राख्न सातौ पटक मकालु हिमालको आरोहणमा

अन्तरपालिका स्तरिय फुटसल प्रतियोगिताको उपाधि धर्मदेबीलाई

प्रधानमन्त्रीसंग किम्माथांका नाका खोल्न माग गरेका छौ : वाङछेदर भोटे

किमांथाका नाका यहि सेप्टेम्बरबाट खुल्ने अध्यक्ष वाङछेदर भोटेको खुलासा

आठ पटक सगरमाथा चढेका ज्याम्चाङ भोटेले हिमालबारे कीन भने यस्तो !