संखुवासभाका अन्तराष्ट्रिय पदक विजेता नेपाली धावक निमेश गुरुङ सम्ममानित

अन्तर्राष्ट्रिय पदक विजेता नेपाली धावक निमेश गुरुङ सम्मानित हुनु भएको छ । उहाँलाई राष्ट्रिय खेल प्रतिभा पुरस्कार तथा सम्मानद्वारा सम्मानित गरिएको हो ।

बैकुण्ठ मानन्धर खेलकुद नेपालले एक कार्यक्रमको आयोजना गरी किर्तिमानी धावक बैकुण्ठ मानन्धरले सम्मानित गर्नुभएको हो । उहाँलाई भव्य कार्यक्रमकाबीच ताम्रपत्र एवं दोसल्ला ओडाएर मानन्धरले सम्मान प्रदान गर्नुभयो । गुरुङले विश्वका विभिन्न राष्ट्रहरुमा आयोजित दौड प्रतियोगिताहरुमा उत्कृष्ट प्रदर्शन गर्दै नेपाल र नेपालीको गौरव उच्च बनाउनु भएको छ ।

सम्मान ग्रहण गर्दै गुरुङले आफूमाथि जिम्मेवारी थपिएको बताउनुभयो । सोही अवसर पारेर उहाँले नेपालका उदयमान खेलाडिहरुको प्रशिक्षणका लागि जुत्ता, ड्रेस तथा विभिन्न खेलकुद सामाग्री समेत सहयोग प्रदान गर्नुभएको थियो ।

कार्यक्रममा वरिष्ठ गीतकार बुद्धवीर लामा, अन्तर्राष्ट्रि भेट्रान धावक रामकृष्ण महर्जन, एथलेटिक्स परिवार नेपालका वरिष्ठ उपाध्यक्ष दीपक रञ्जित, भेट्रान धावक पुष्पलाल श्रेष्ठ, मास्टर एशियन पदक विजेता धर्म महर्जन, स्वयंम्भू एथलेटिक्स ट्रेनिङ सेन्टरका अध्यक्ष एवं प्रमुख प्रशिक्षक रमेश सुनार, महासचिव शैलेन्द्रमान श्रेष्ठ लगायतका खेलक्षेत्रका दिग्गज व्यक्तित्वहरुको उपस्थिति रहेको थियो ।

संखुवासभाका गुरुङ सिंगापुरमा बसेर सामाजिक काममासमेत सम्लग्न रहदै आउनुभएको छ । उहँले खेल क्षेत्रबाट पनि सिंगो समाज र मुलुकलाई परिवर्तन गर्न सकीने भन्दै सामाजिक काममा लाग्ने प्रण पनि गर्नुभयो ।