किमाथांका नाका खोल्न परराष्ट्र मन्त्री साउदसँग सांसद दिपक खड्काको माग

सांसद दिपक खड्काले चीनसँग जोडिएको संखुवासभाको उत्तरी सिमानाका किमाथांका खोल्न सरकारसँग जोडदार माग गरेका छन् । आज परराष्ट्रमन्त्री नारायण प्रकाश साउदलाई मन्त्रालयमा पुगेर ज्ञापनपत्र बुझाउदै संखुवासभाको उत्तरी सीमानाका किमाथांकालाई पहिलो प्राथमिकता दिएर खोल्न माग गरेका हुन् ।

खड्कासँगै संखुवासभाका प्रतिनिधि, कोशी प्रदेशका सांसद राजेन्द्र कार्की जिल्ला समन्व समिति संखुवासभाका अध्यक्ष सुमन शाक्यलगायतले संयुक्त रुपमा किमाथांका नाका खोलि दिन सरकारसंग माग गरेका हुन् । नाका बन्द हुँदा किम्माथांकामा भोकमरी फैलन सक्ने भन्दै उन्ले जनताको समस्या बुझेर चाडो नाका खोल्न आग्रह गरे ।

किम्माथांकाबाट खाद्यान्न, नुन, तेल, लत्ताकपडालगायत दैनिक उपभोग्य सामाग्री लिन सदरमुकाम खाँदबारी आईपुग्न एक हप्ता बढी लाग्छ । चीन संग जोडिएको किमांथाका नाका कारोनाको कारण देखाउदै लामो समयदेखि बन्द छ । बन्द हुँदा यहाँ खाद्यान्न संकट पर्दे आएको र बिभिन्न समयमा व्यक्ति र सामाजिक संघ, संस्थाले खाद्यान्न बितरण गर्दे आएकाछन् ।

ज्ञापनपत्र बुझ्दै परराष्ट्र मन्त्री नारायण प्रकाश साउदले किमाथांका नाका खोल्न र सुचारु गर्ने विषयलाई उच्च प्राथमिकता दिने प्रतिवद्धता जनाएकाछन् । मन्त्री साउदले किमाथांका नाका सञ्चालन गर्नेकुरा आफ्नो पहिलो प्राथमिकतामा राखेर अघि बढ्ने प्रतिवद्धता जनाए । उन्ले किमाथांका नाका ऐतिहासिक नाका भएको र पूर्वको व्यापार व्यवसायलाई प्रत्यक्ष फाइदा पुग्ने नाका भएकाले नाका खोल्ने कुरा पहिलो प्राथमकितामा राख्ने बताए ।

उन्ले नेपाल र चीनबीचको सम्बन्धलाई बढाउन र व्यापार व्यवसाय पनि विस्तार गर्नका लागि किमाथांका नाका सहज र छोटो दूरीको माध्यम बन्ने बताए । उन्ले चीन सरकारसँग नाका खोल्नका लागि आवश्यक पहल गर्ने पनि बताए ।

जिल्लाका प्रतिनिधिहरुले नेपालका लागि व्यवसायिक हिसाबमा चीनसँगको नाकाहरु महत्वपूर्ण भएकाले सबै नाकाहरु खुलाउन समेत पहल गर्न आग्रह गरे । उनीहरूले पहिचानमा रहेका थोरै सीमानाकाहरु मध्ये संखुवासभा जिल्लास्थित उत्तरको नाका किमाथांकालाई खुलाउन विशेष जोड गर्न आग्रह गरेका छन् ।