Trending
Saturday, April 25, 2026
अष्ट्रेलियामा जारी आठौं संस्करणको टी–ट्वान्टी विश्वकप क्रिकेटको उपाधिका लागि आज आइतबार पाकिस्तान र इंग्ल्यान्ड भिड्दैछन् ।
पाकिस्तान र इंग्ल्यान्डबीचको खेल मेलबर्न क्रिकेट मैदानमा नेपाली समयअनुसार दिउँसो पौने २ बजे सुरू हुनेछ ।
पाकिस्तान न्युजिल्याण्डलाई तथा इंग्ल्यान्ड भारतलाई हराउँदै फाइनलमा पुगेका थिए ।
बाबर आजमको नेतृत्वमा रहेको पाकिस्तान र जस बटलरको नेतृत्वमा भएको इंग्ल्यान्ड दोस्रो पटक टी–ट्वान्टी विश्वकप जित्ने दाउमा छन् ।
यी दुई टोलीबीच हालसम्म २८ टी–ट्वान्टी खेल भएकामा १८ खेलमा इंग्ल्यान्ड विजेता हुँदा ९ खेलमा पाकिस्तानले जितेको छ । एक खेल भने नतिजा विहीन भएको थियो । दुई देशबीचको पछिल्लो पाँच टी–ट्वान्टी खेलमा ३ खेलमा इंग्ल्यान्ड र २ मा पाकिस्तान विजयी भएको छ ।
पाकिस्तानले सन् २००९ को फाइनलमा पाकिस्तानले श्रीलंकालाई ८ विकेटले हराउँदै उपाधि जितेको थियो । यता इंग्ल्यान्डले २०१० को फाइनलमा अष्ट्रेलियालाई ७ विकेटले हराउँदै उपाधि जितेको थियो ।
