Trending
Saturday, April 25, 2026
सहिद स्मारक लिग ए डिभिजन फुटबल अन्तर्गत पाँचौं चरणको खेलहरु आजबाट सुरु हुँदैछ।
त्रिपुरेश्वरस्थित दशरथ रंगशालामा हुने पहिलो खेलमा सातदोबाटो युथ क्लब र विभागीय टोली त्रिभुवन आर्मी क्लबबीच प्रतिस्पर्धा हुनेछ।
सातदोबाटो र विभागीय टोली त्रिभुवन आर्मी क्लबबीचको खेल दिउँसो १ बजे सुरु हुनेछ।
अपराजित आर्मी ४ खेलमा २ मा जित र २ मा बराबरी खेल्दै ८ अंक सहित तालिकाको तेस्रो स्थानमा रहेको छ। सातदोबाटो युथ क्लब ७ अंकसहित तालिकाको ५ औं स्थानमा रहेको छ।
यस्तै, आजै हुने दोस्रो खेलमा साविक विजेता मच्छिन्द्र क्लब र संकटा क्लबबीच प्रतिस्पर्धा हुनेछ। मच्छिन्द्र र संकटा क्लबबीचको खेल साँझ पौने ५ बजे सुरु हुनेछ।
संकटा ४ खेलमा २ मा जित र २ मा बराबरी खेल्दै ८ अंक सहित तालिकाको चौंथो स्थानमा रहेको छ। डिफेण्डिङ च्याम्पियन मच्छिन्द्र भने संकटालाई हराएर तालिकाको शीर्ष स्थानमा कायम रहने ध्याउन्नमा हुनेछ।
अपराजित रहेको मच्छिन्द्र ४ खेलमा ३ मा जित र एक बराबरी खेल्दै १० अंकसहित तालिकाको शीर्ष स्थानमा रहेको छ।
