अन्तरपालिका स्तरिय फुटसल प्रतियोगिताको उपाधि धर्मदेबीलाई

संखुवसभाको अन्तरपालिका स्तरिय फुटसल प्रतियोगिताको उपाधि धर्मदेबी नगरपालिकाले जितेको छ । नेकपा एमाले संखुवासभा काठमाडौ सम्पर्क मञ्चले काठमाडौमा आयोजना गरेको कार्यक्रममा खाँदबारी नगरपालिका दोस्रो भएको सम्पर्क मञ्चका अध्यक्ष देवीन श्रेष्ठले बताउनुभयो । त्यसै गरी भोटखोला गाउँपालिका र सभापोखरी गाउँपालिकाले सान्त्वना स्थान प्राप्त गरेकाछन् । संखुवासभाका दशवटा पालिकाका खेलाडीको सहभागिता रहेको फुटसलखेलमा काठमाडौमा बस्ने संखुवासभालीहरुको सहभागिता थियो । खेल क्षेत्रको बिकास र खेलाडीहरुको क्षमता अभिबृद्धि, शारिरीक र मानसिक क्षेत्रको बिकासकालागि आयोजना गरीएको खेल भब्य रुपमा सम्पन्न भएको थियो ।

अत्यन्त उत्साहकासाथ सम्पन्न खेलमा पहिलो, दोस्रो र सान्त्वना स्थान प्राप्त गर्ने खेलाडीहरुलाई नेकपा एमाले स्थायी कमिटी सदस्य तथा प्रचार बिभाग प्रमुख राजेन्द्र गौतम तथा अमेरिकाकालागि पूर्व राजदूत डा. अर्जुन कार्कीले पुरस्कार तथा प्रमाणपत्र बितरण गर्नु भएको थियो । खेलको नेकपाा एमाले स्थायी कमिटी सदस्य तथा सम्पर्क समन्वय कमिटी इन्चार्ज लालबाबु पण्डीतले उद्घाटन गर्नुभएको थियो ।