संखुवासभाको चैनपुरमा बुद्ध जयन्तीको अवसरमा खुल्ला भलिबल हुँदै

संखुवासभाको चैनपुर पोखरीमा भलिबल प्रतियोगिता हुने भएको छ । नवयुग युथ क्लब पोखरी वार्ड नम्बर–३, ४ र ५ द्धारा आयोजित प्रतियोगिता यहि बैशाख १८ गतेदेखि शुरु हुने छ ।

२५ सय ६७ औ बुद्ध जयन्ती तथा चण्डीपूर्णिमा मेलाको अवसरमा आयोजित खुल्ला पुरुष भलिबल प्रतियोगिता, डबल ब्याडमिण्टन प्रतियोगिता र साँस्कृतिक झाँकी हुने छ । प्रथम पुरस्कार एकलाख एघार हजार एक सय एघार, द्धितिय पुरस्कार छैसठ्ठी हजार छ सय छैसठ्ठी रुपैया, सेमि फाईनल पुरस्कार बीस हजार रुपैया रहेको आयोजक क्लबका अध्यक्ष आकाश बुढाथोकीले जानकारी दिनुभयो ।

त्यसैगरी ब्याडमिण्टन तर्फ पन्ध्र हजार, द्धितिय पुरस्कार आठ हजार रुपैया र सेमी फाईनल चार हजार रुपैया रहेको कार्यक्रम संयोजक सञ्जय शेर्पाले बताउनुभयो । स्वास्थ्यका लागि र युवा बिकासकालागि खेलकुद भन्ने नारासहित शुरु हुने खुल्ला प्रतियोगितामा जिल्ला र जिल्ला बाहिरका खेलाडिहरुको सहभागिता रहने बताईएको छ ।