साफ यू–१७ महिला च्याम्पियनसिपका लागि नेपाली टिमको घोषणा

बंगलादेशमा हुने साफ यू–१७ महिला च्याम्पियनसिपका लागि नेपाली यू–१७ राष्ट्रिय महिला टिमको घोषणा भएको छ ।

नेपाली टिमको मुख्य प्रशिक्षक भगवती रानामगरले च्याम्पियनसिपका लागि २० सदस्यीय टोलीको घोषणा गरेकी हुन् । रानामगरकै प्रशिक्षणमा नेपाली यू–१५ महिला टिमले बंगलादेशमै भएको साफ यू–१५ महिला च्याम्पियनसिपको उपाधि जितेको थियो ।

साफले यूइएफए असिस्ट प्रोग्रामअन्तर्गत रहेर यू–१७ महिला च्याम्पियनसिप आयोजना गर्न लागेको हो । च्याम्पियनसिपमा दक्षिण एसियाका मुलुकबाहेक रुसको पनि सहभागिता रहने छ ।

च्याम्पियनसिप बंगलादेशमा २० मार्चदेखि ३० मार्चसम्म हुने तालिका छ ।

सार्वजनिक तालिकाअनुसार नेपालले पहिलो खेलमा मार्च २० मा भारतविरुद्ध खेल्नेछ । यस्तै, दोस्रो खेलमा नेपालले मार्च २२ मा भुटानविरुद्ध खेल्नेछ । मार्च २६ मा नेपालले रूससँग र मार्च २८ बंगलादेशविरुद्ध च्याम्पियनसिपको अन्तिम खेल खेल्ने छ ।

नेपाली टिम :

गोलकिपर : सुजाता तामाङ, राधिका ओली, करुण बुढाथोकी

रक्षक : अञ्जना पुनमगर, प्रेना डोल्मा लामा, सीता रोकाया, अमिता भुल, सिम्रन राई, विपना स्नेही, रेनु लिम्बु चबेगु

मिडफिल्डर : माया मास्के, दीपा मगर, सुशिला केसी, झुमा विश्वकर्मा, शुक्रिया मियाँ, भावना परियार, पुनम चेम्जोङ

फरवार्ड : दीपा रोकाया, वर्षा ओली, सेनु परियार