Trending
Saturday, April 25, 2026
नेपालले आइसिसी विश्वकप लिग–२ त्रिकोणात्मक सिरिजमा पपुवा न्युगिनीबिरुद्ध नेपाललाई चौथो सफलता मिलेको छ ।
दुबई इन्टरनेशल क्रिकेट स्टेडियममा भईरहेको खेलमा कुशल मल्लले नेपाललाई चौथो विकेट दिलाएका हुन् । १९ बलमा ११ रन बनाएका आसाद भाला कुशलको बलबाट एलबिडब्ल्यू आउट भए ।
नेपालको लागि तेस्रो सफलता सोम्पाल कामिले दिलाएका थिए । उनले टोनि उरालाई ३९ रनमा आउट गराए । यस्तै, दोस्रो विकेट पनि कुशल मल्लले नै लिएका थिए । पपुवा न्युगिनीका सेसे बाउ कुशलको बलमा ११ रन बनाएर आसीफ शेखको डाईरेक्ट हिटमा रन आउट भएका थिए ।
स्पिनर सन्दीप लामिछानेले नेपाललाई पहिलो सफलता दिलाएका थिए । उनले पपुवा न्युगिनीका ओपनर किप्लीन डोरीगालाई एलबिडब्ल्यू आउट गराएका थिए । डोरीगा ४३ बलमा २६ रन बनाएर आउट भएका थिए ।
यो समाचार तयार पार्दासम्म पपुवा न्युगिनीले २४ ओभरमा ४ विकेटको क्षतिमा ९४ रन बनाएको छ ।
