नेपालका कीर्तिमानी खेलाडी ठकुरीले अमेरिकाकोमात्र हैन,नेपालको पनि नाम राखे

नेपालका उज्जवल ठकुरीले कराँते प्रतियोगितामा कास्य पदक जितेकाछन् । अमेरिकामा बस्दै आएका उन्ले ९ पटक गिनिज बुक अफ वर्ल्ड रेकर्ड (बिश्वकीर्तिमान ) कायम गरेकाछन् ।

कराते खेलाडी ठकुरीले कराते बिश्व प्रतियोगितामा (च्याम्पियन) कास्य पदकसमेत यस पटक जितेकाछन् । उनले सिंगो अमेरिककाको प्रतिनिधित्व गर्दै उक्त पदक हात पार्न सफल भएका हुन् ।

अमेरिकाको फ्लोरिडा राज्यमा संचालन भएको बिश्व कराते प्रतियोगितामा उनि लगायत अन्य दुई खेलाडी सहितले समूह भिडन्त(कुमिते)मा तेश्रो स्थान हासिल गरेका छन् । अमेरिकामा १० औ डब्लुयुकेएफ वर्ल्ड कराते च्याम्पियनशिप २०२२ फ्लोरिडाको फोर्थ लाउडरमा भएको थियो । यो खेल खेल्नको लागि अमेरिकाको दुई वटा राष्ट्रिय कराते संघ मत्र छनौटमा परेका थिए ।

ठकुरीले युएसएकेएफएद्वारा (युनाइटेड स्टेट अफ अमेरिका कराते फेडेरेसन )खेलेका हुन् । एएयु र युएसएकेएफ दुई राष्ट्रिय संघ हुन् जसले अन्तर्राष्ट्रिय खेलाडी छनौट गर्ने अधिकार पाउँछ । ठकुरीले युएसएकेएफबाट अमेरिका देशको लागि बिश्व च्याम्पियन खेल खेल्न अनुमति पाए । कराते खेलाडी ठकुरी दुई खेलमा छनौट भएका थिए ।

९ पटक बिश्व किर्तिमान ठकुरीसंग अमेरिकाबाट २ पटक बिश्व च्याम्पियन खेलाडी क्रिस विल्क्स तथा हिसाओ ओसाको एकै टोलिमा थिए । खेल प्रतियोगतामा ३ खेलाडीहरुले कास्य पदक पाएका थिए । यो खेलमा १ हजार ९ सय खेलाडीहरु सहभागि थिए भने ३४ राष्ट्रको सहभागिता थियो । डब्लुयुकेएस कराते बिश्व प्रतियोगिता प्रत्येक दुई बर्षमा हुनेगर्छ ।

ठकुरी ९ पटक बिश्व किर्तिमानी मात्र नभएर बिश्व प्रतियोगता खेलमा कास्य पदक हात पारि बिश्व बिजेता पनि बन्न सफल खेलाडी भएका छन् । नेपालले भाग लिन नसके पनि उन्ले अमेरिकाको तर्फबाट खेले पनि नेपालले पनि जितेक सरह भएको छ ।