Trending
Saturday, April 25, 2026
काठमाडौँ – नेपालले त्रिकोणात्मक टी–२० श्रृंखलामा मलेसियालाई बुधबार ६ विकेटले पराजित गरेको छ । ओपनर आसिफ शेखले ५७ रन बनाएपछि मलेसियाले दिएको ११५ रनको लक्ष्य नेपालले १३.४ ओभर खेल्दै ४ विकेट गुमाएर पूरा गरेको हो ।
आसिफले ३८ बल खेल्दै ७ चौका र १ छक्का प्रहार गरे । टी–२० मा डेब्यूगरेका विकेटकिपर दिलिप नाथले ७ बल खेल्दै ३ चौका मद्दतमा अविजित १५ रन बनाए । लगातार दोस्रो जितपछि नेपालको फाइनल पुग्ने सम्भावना बलियो भएको छ ।
यसअघि पहिलो खेलमा नेपालले पपुवा न्यूगिनीलाई १५ रनले पराजित गरेको थियो । नेपालले तेस्रो खेल बिहीबार पपुवा न्यूगिनीसँग खेल्नेछ ।
