Trending
Saturday, April 25, 2026
काठमाडौँ – पपुवा न्यूगिनी (पिएनजी) विरुद्धको एकदिवसीय सिरिजको पहिलो खेलमा नेपालले टस जितेर फिल्डिङ रोजेको छ । खेल कीर्तिपुरस्थित त्रिवि मैदानमा हुँदैछ ।
पिएनजीविरुद्ध नेपाली युवा ब्याटर देव खनालले डेब्यु गरेका छन् । उनलाई कप्तान सन्दीप लामिछानेले डेब्यु क्याप दिए । यु–१९ क्रिकेटमा राम्रो प्रदर्शन गरेपछि देवले सिनियर टोलीमा पनि स्थान बनाउन सफल भएका हुन् ।
युएईमा सम्पन्न आइसिसी क्रिकेट विश्वकप लिग–२ अन्तर्गतको त्रिकोणात्मक एकदिवसीय सिरिज खेलेर पिएनजी नेपाल आएको हो । उक्त सिरिजको दुवै खेलमा नेपालले खेलमा पिएनजीलाई हराएको थियो । नेपाल पहिलो खेलमा २ तथा दोस्रो खेलमा ७ विकेटले विजयी थियो । जारी एकदिवसीय सिरिजको दोस्रो खेल शनिबार हुनेछ ।
नेपालको प्लेईङ ११ मा कुशल भुर्तेल, देव खनाल, आरिफ शेख, दीपेन्द्रसिंह ऐरी, रोहित पौडेल, भीम सार्की, अनिल शाह ९विकेटकिपर०, सोमपाल कामी, कमलसिंह ऐरी, सन्दीप लामिछाने र पवन सरार्फ रहेका छन् ।
अनिल शाहले यसै खेलमार्फत ४ वर्षपछि राष्ट्रिय टिममा पुनरागमन गरेका हुन् ।
