Trending
Saturday, April 25, 2026
काठमाडौँ – अष्ट्रेलिया आईसीसी एकदिवसीय महिला विश्वकप क्रिकेटको सेमिफाइनलमा प्रवेश गरेको छ । शनिबार भएको खेलमा भारतलाई ६ विकेटले हराउँदै अष्ट्रेलिया अन्तिम चारमा प्रवेश गरेको हो ।
इडेन पार्कमा भारतले दिएको २७८ रनको लक्ष्य पछ्याएको अष्ट्रेलियाले ४९ ओभर ३ बलमा ४ विकेट गुमाउँदै २८० रन बनायो । अष्ट्रेलियालाई जित दिलाउन मेग लानिङले ९७ रनको अर्धशतकीय पारी खेलिन् । यस्तै एलिसा हेएलीले ७२ रनको अर्धशतकीय पारी खेल्दा राचिल हेयनेसले ४३ रन जोडिन् ।
बलिङतर्फ भारतका लागि पूजा भाष्ट्रकरले दुई विकेट लिइन् । यसअघि पहिले ब्याटिङ गरेको भारतले ५० ओभरमा ७ विकेट गुमाएर २ सय ७७ रन बनाएको थियो ।
जितसँगै अष्ट्रेलियाले ५ खेलमा १० अंक जोडेको छ । शीर्ष स्थानमा रहेको अष्ट्रेलिया सेमिफाइनलमा प्रवेश गरेको छ । पराजित भारत ५ खेलमा ४ अंक जोडेर चौंथो स्थानमा छ ।
