ल्होसार फुटसल कप–२०७८ को उपाधि आयोजक टिम ‘नेकपा एस भोटखोला सम्पर्क मञ्च (ए)’ ले चुम्यो

संखुवासभा–भोटखोला गाउँपालिका गाउँ स्तरिय ल्होसार फुटसल कप २०७८ प्रतियोगिताको उपाधि आयोजक टिम नेकपा एकीकृत समाजवादी भोटखोला सम्पर्क मञ्च (ए) ले हात पारेको छ ।

नेकपा एकीकृत समाजवादी भोटखोला–काठमाडौ सम्पर्क मञ्चले तीन दिनसम्म आयोजना गरेको खेलमा २१ पुरुष र २ महिला टिम गरी २३ टिमको सहभागिता थियो ।

दोस्रो स्थान संघर्सिल युवा क्लब भोटखोला –४ स्याक्सीला, तेस्रो स्थान च्यामताङ गाउँ र चौथो स्थान फारङ दाङकोक गाउँले जितेका छन् ।

बेस्ट किपर बिजेता टिमका गुरु जेनजेन भोटेले जितेका छन् । बेस्ट खेलाडीको उपाधि संघर्सिल युवा क्लबका वाङ छिरिङ भोटेले प्राप्त गरेका छन् । त्यसै गरी खेल अबधिमा सर्वाधिक गोलकर्ता फारङ दाङ्कोक गाउँको पेम्बा छिरिङ भोटे भएका छन् ।

शान्ति र सद्भावकालागि युवा एकता,बिकृति, बिसंगति बिरुद्ध खेलकुदद्धारा सहकार्यको प्रतिबद्धता नारासहित सञ्चालित खेल एकीकृत समाजवादीका युवा नेता मिथुन चाङ्बा भोटेको अध्यक्षतामा सम्पन्न भएको थियो ।

बिजेता खेलाडीलाई कार्यक्रमका प्रमुख अतिथि स्वास्थ्य तथा जनसंख्या राज्य मन्त्री भवानी खापुङले पद्क र पुरस्कार प्रदान गर्नुभएको थियो । उहाँले फुटसल प्रतियोगिताले युवा खेलाडीहरुलाई उर्जा दिएको भन्दै स्वास्थ्यको लागि खेलकुद आवश्यक भएको बताउनुभयो ।

फुटसल प्रतियोगिता सम्पन्न गर्न युवा नेता मिथुन चाङ्वा भोटेको भूमिका महत्वपूण रहेको बताईएको छ ।