पाकीस्तानी दुतावासले गर्यो काभ्रेको पाँचखालमा निःशुल्क शिविर

नेपाल–पाकीस्तान फ्रेण्डसिप दिवसको अवसरमा आज नेपाल स्थित पाकीस्तानी दुतावासको आयोजना र नेपाल पाकीस्तान फ्रेण्डसिप एण्ड कल्चरल एशोसिएशनको सहकार्यमा निःशुल्क स्वास्थ्य शिविर आयोजा गरीएको छ ।

काभ्रेको पाँचखाल नगरपालिकास्थित भविश्य उज्वल प्राथमिक बिद्यालयमा १७ औ फ्रेण्डसिप दिवसको अवसरमा मेडिकल क्याम्पसहितको निःशुल्क स्वास्थ्य शिविर आयोजना गरीएको हो । शिविरको काभ्रे पाँचखाल नगरपालिकाका प्रमुख सूर्यमायाँ दनुवारले उद्घाटन गर्नु भयो । उहाँले स्वास्थ्य सेवाको पहुँच नपुगेको ग्रामीण क्षेत्रमा शिविरले राहत पुगेको बताउनुभयो ।

पाकीस्तान सरकारबाट नेपालको ग्रामीण क्षेत्रको स्वास्थ्य, शिक्षा र बालबालिकाको क्षेत्रमा गरेको सहयोगको प्रशंसासमेत गर्नुभयो । चार्ज डि एफीर्यस(ए.आई.)अमिर अलिले स्वास्थ्य शिविरले दुई देशका जनतको सम्बधलाई चिरस्थायी बनाउने भन्दै शिविर सफलताको शुभकामना दिनु भएको थियो ।

निःशुलक शिविरमा काभ्रेको पाँचखाल नगरपालिकामा ग्रामीण क्षेत्रका महिला, ज्येष्ठ नागरिक र बालबालिकाको उल्लेख्य सहभागिता थियो । शिविरमा स्वास्थ्य परिक्षण, परामर्श र निःशुल्क औषधि बितरण गरीएको थियो ।