Trending
Wednesday, January 21, 2026
पछिल्लो एक सातामा देशभर २ सय ३९ जनामा डेंगुको संक्रमण देखिएको छ । यो संगै नेपालमा डेंगु सक्रमितको संख्या ४ हजार ३ सय ५३ पुगेको छ ।
इपिडिमियोलोजी तथा रोग नियन्त्रण महाशाखा इडिसिडीका अनुसार विगत २४ घण्टामा मात्रै ३३ जना नयाँ संक्रमित थपिएका छन् ।
सबैभन्दा धेरै गण्डकी प्रदेशमा ११ सय ४९ जनामा डेंगुको संक्रमण देखिएको छ भने बागमतीमा ९ सय ३६, लुम्बिनीमा ७ सय ८०, कोशीमा ६ सय ८१, सुदूरपश्चिममा ५ सय २, कर्णालीमा २ सय ७ र मधेश प्रदेशमा ८८ जनामा संक्रमण देखिएको छ ।
वर्षातको मौसममा डेंगी रोगको संक्रमणबाट बच्न लामखुट्टेको टोकाइबाट जोगिनु नै मुख्य उपाय भएकोले लामखुट्टे नियन्त्रण गर्न घर तथा भवन वरपरका पानी जम्ने स्थान र वस्तुहरूको पहिचान गरी, लामखुट्टेको प्रजनन, वृद्धि तथा विकास हुने ठाउँहरू नष्ट गर्न स्वास्थ्य मन्त्रालयले आग्रह गरेको छ ।
