श्रीकुन्तादेवीको निःशुल्क स्वास्थ्य शिविरमा दुई सय पचाँस बढी लाभान्वित

श्रीकुन्तादेवी मेडी क्लिनिक प्रालिले आयोजना गरेको निःशुल्क स्वास्थ्य शिविरमा दुई सय पचाँसजनाको निःशुल्क स्वास्थ्य परिक्षण गरीएको छ ।

शनिवार बिहानदेखि सञ्चालन भएको शिविरमा महिला, ज्येष्ठ नागरिक र बालबालिकाको बेलुकीसम्म भिड लागेको थियो । थाइराईड, सुगर, ब्लडप्रेसरको परिक्षण गरी एक महिनासम्मको लागि निःशुल्क औषधि बितरण गरीएको श्रीकुन्तादेवी मेडी क्लिनिकका सञ्चालक कुमार थापाले जानकारी दिनुभयो ।

२३ जनाको भिडीयो एक्सरे सेवा, ३६ जनाको ईसीजी सेवा प्याथोलोजी र अन्य स्त्री रोगकोसमेत परिक्षण गरी परामर्श दिएको वरिष्ठ फिजिसियन तथा मधुमेह, थाईराईड विशेषज्ञ डा. राजेन्द्र भण्डारीले बताउनुभयो । जनरल फिजिसियन डा. आर्यान दाहालले आर्थिक रुपले बिपन्न महिला र ज्येष्ठ नागरिकको स्वास्थ्य परिक्षण गरी औषधि प्रदान गरेको बताउनुभयो ।

सामाजिक सेवामा समर्पित सञ्चालक थापाले भने आगामी दिनमासमेत निःशुल्क स्वास्थ्य सेवा सञ्चालन गरीने जानकारी दिनुभयो । उहाँले क्विष्ट फर्मासिटीबाट आवश्यक मेडिसीन उपलब्ध गराएको पनि बताउनुभयो ।

काठमाडौको घट्टेकुलोमा सञ्चालित निःशुल्क शिविरमा डिल्लीबजार, अनामनगर, ज्ञानेश्वरका बिरामीहरुले स्वास्थ्य परिक्षण गराएर सेवा लिएका थिए ।