Trending
Saturday, June 13, 2026
श्रीकुन्तादेवी मेडी क्लिनिक प्रा.लि. घट्टेकुलोले आर्थिक रुपले बिपन्न समुदायकोलागि हरेक शनिवार निःशुल्क शिविर सञ्चालन गर्ने भएको छ ।
अनुभवी चिकीत्सक जनरल फिजिसियन डा. आर्यान दाहाल र बरिष्ठ फिजिसियन तथा मधुमेह, थाईराईड बिशेषज्ञ डा. राजेन्द्र भण्डारीले निःशुल्क परिक्षण, परामर्शसहित औषधिको सेवा प्रदान गर्नु हुने सञ्चालक कुमार थापाले जानकारी दिनुभयो ।
बिहानदेखि क्लिनिकमा हुने निःशुल्क शिविरमा सुगर, ब्लडप्रेसर, थाईराईड तथा स्त्रीरोगको परिक्षण र परामर्शसमेत दिईने छ । पछिल्लो समय सुगर, प्रेशर, मुटु र मृगौलाका रोगीको संख्या बढ्दै जाँदा नियमित परिक्षण र परामर्शको लागि शिबिर आयोजना गरेको बताईएको छ ।
क्लिनिक र अस्पतालमा नियमित परिक्षण गर्न हिच्कीचाउने र आर्थिक अवस्था कमजोर भएर रोग पाल्न बाध्य हुनेहरुले सेवा प्राप्त गर्न सक्ने छन् ।
शिबिरमा बिशेष गरी महिलाला, ज्येष्ठ नागरिक र बालबालिकालाई प्राथमिकता दिईएको डा. राजेन्द्र भण्डारीले बताउनुभयो ।
