उपत्यकामा २९४ सहित देशभर थपिए ८०५ जना संक्रमित, एकैदिन ९११ निको हुदा ८ को मृत्यु

पछिल्लो २४ घण्टामा काठमाडौ उपत्यकामा २९४ सहित देशभर थप ८०५ जनामा कोरोना भाइरस (कोभिड–१९) संक्रमण पुष्टि भएको छ । योसँगै पीसीआर र एन्टिजेन दुवै विधिबाट कुल पोजेटिभ संख्या ८ लाख ९३ हजार ७२ जना पुगेको छ ।

७ हजार २६४ पीसीआर परीक्षणमा ६६७ जना र ३४०८ एन्टिजेन परीक्षणमा १३८ जनामा गरी ८०५ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।

पछिल्लो २४ घण्टामा उपत्यकाको काठमाडौँका २०७, भक्तपुरका ३४ जना र ललितपुरका ५३ गरी उपत्यकामा कुल २९४ जना कोरोना संक्रमित भेटिएका हुन ।

यस्तै मन्त्रालयका अनुसार पछिल्लो चौबीस घण्टामा ९११ जना सङ्क्रमित कोभिडमुक्त भएका छन् । योसँगै संक्रमणमुक्त हुनेको कुल संख्या ७ लाख ७३ हजार १४० जना पुगेको छ ।

यस्तै पछिल्लो २४ घण्टामा कोरोना संक्रमणबाट ८ जनाको मृत्यु पुष्टि भएको छ । यससँगै मृतकको संख्या ११२०० पुगेको छ ।