Trending
Wednesday, May 21, 2025
पछिल्लो २४ घण्टामा उपत्यकामा २३५ सहित देशभर थप ६६६ जनामा कोरोना भाइरस (कोभिड–१९) संक्रमण पुष्टि भएको छ । योसँगै पीसीआर र एन्टिजेन दुवै विधिबाट कुल पोजेटिभ संख्या ९ लाख ४ हजार ५१३ जना पुगेको छ ।
९ हजार ७७१ जनाको पीसीआर परीक्षण गर्दा ५६९ जना र २२४९ जनाको एन्टिजेन परीक्षण गर्दा ९७ गरी ६६६ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।
पछिल्लो २४ घण्टामा उपत्यकाको काठमाडौँका १७७, भक्तपुरका २५ जना र ललितपुरका ३३ गरी उपत्यकामा कुल २३५ जना कोरोना संक्रमित भेटिएका हुन ।
यस्तै मन्त्रालयका अनुसार पछिल्लो चौबीस घण्टामा ६२२ जना सङ्क्रमित कोभिडमुक्त भएका छन् । योसँगै संक्रमणमुक्त हुनेको कुल संख्या ७ लाख ८८ हजार ६३० जना पुगेको छ ।
यस्तै पछिल्लो २४ घण्टामा कोरोना संक्रमणबाट ११ जनाको मृत्यु पुष्टि भएको छ । यससँगै मृतकको संख्या ११३७२ पुगेको छ ।
