काठमाडौ उपत्यकामा ८६७ सहित देशभर थपिए ३०७५ जना संक्रमित, एकैदिन २१२६ निको हुदा ३३ को मृत्यु

पछिल्लो २४ घण्टामा काठमाडौ उपत्यकामा ८६७ सहित देशभर थप ३०७५ जनामा कोरोना भाइरस ९कोभिड–१९० संक्रमण पुष्टि भएको छ । योसँगै पीसीआर र एन्टिजेन दुवै विधिबाट कुल पोजेटिभ संख्या ८ लाख २० हजार ६०५ जना पुगेको छ ।

११ हजार ९४६ जनामा पीसीआर परीक्षण गर्दा २३२१ र ४४९२ एन्टिजेन परीक्षणमा ७५४ जना गरी ३०७५ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।

पछिल्लो २४ घण्टामा उपत्यकाको काठमाडौँका ६३९, ललितपुरका १२७ र भक्तपुरका १०१ जना गरी ८६७ कोरोना संक्रमित भेटिएका हुन ।

यस्तै मन्त्रालयका अनुसार पछिल्लो चौबीस घण्टामा २१२६ जना सङ्क्रमित कोभिडमुक्त भएका छन् । योसँगै संक्रमणमुक्त हुनेको कुल संख्या ६ लाख ९१ हजार २९९ पुगेको छ ।

यस्तै पछिल्लो २४ घण्टामा कोरोना संक्रमणबाट ३३ जनाको मृत्यु पुष्टि भएको छ । यससँगै मृतकको संख्या १०४२९ पुगेको छ ।