मधेश सशस्त्र प्रहरीले ग¥यो चारमहिनामा २२ करोड बरामद

मधेस प्रदेशमा सशस्त्र प्रहरीको टोलीले चार महिनाको अवधिमा झण्डै २२ करोड रुपैया बढीको अवैध सामान बरामद गरेको छ । मधेस प्रदेशका आठवटै जिल्लाबाट सशस्त्र प्रहरी गस्ती टोलीले करोडौं रुपैयाको अवैध सामान बरामद गरेको हो ।

यही आर्थिक वर्षको साउनदेखि हालसम्म २२ करोड ६ लाख, ८ हजार रुपैया बराबरको सामान बरामद गरेको हो । भारतबाट अवैधरूपमा भित्र्याएको कपडा, किराना, हार्डवेयर लगायतका सामान बरामद गरि आवश्यक कारबाहीको लागि भन्सार कार्यालयमा बुझाइएको सशस्त्र प्रहरीले जनाएको छ । त्यस्तै ५१ लाख,८५ हजार ३ सय रुपैया स्रोत नखुलेको नेपाली रुपैया पनि बरामद गरीएको छ ।

यहि अवधिमा ४० लाख १५ हजार रुपैया बराबरको अवैध काठ र ३६ लाख ५३ हजार रुपैया बराबरको चौपाया बरामद गरि आवश्यक कारबाहीको लागि भन्सार कार्यालय बुझाइएको छ । त्यसैगरी २० लाख,७२ हजार रुपैया बराबरको अबैध सुनचाँदी बरामद भएको सशस्त्र प्रहरीले जनाएको छ । तस्करी लगायत विभिन्न गैरकानुनी काममा लागेका ७८ जनालाई पक्राउ गरि कानुनी कार्वाहीको दायरामा ल्याएको सशस्त्र प्रहरी नेपाल छिनमस्ता बाहिनी बर्दिबासले जनाएको छ ।

त्यस्तै २८ हजार ४१ थान विभिन्न प्रकारको लागूऔषध, १५ क्विन्टल २८ किलोग्राम गाँजा, २० किलोग्राम चरेस, ५ ग्राम खैरो हेरोइन, बरामद गरेको छ ।