Trending
Saturday, June 13, 2026
काठमाडौँ – मकवानपुरमा पनि बर्डफ्लू भेटिएको छ । जिल्ला पशु सेवा विज्ञ केन्द्र हेटौंडाका अनुसार मकवानपुरका कुखुरामा बर्डफ्लूको संक्रमण देखिएको हो।
केन्द्रले भीमफेदी गाउँपालिका–२ आँपचौरस्थित लिला थिङको खोरमा रहेका कुखुरामा बर्डफ्लू पुष्टि भएको जानकारी दिएको छ। थिङको खोरमा पालिएका कुखुरा धमाधम मर्न थालेपछि ल्याब परीक्षण गर्दा बर्डफ्लू ’एच फाइभ एन वन’ संक्रमण पुष्टि भएको कार्यालय प्रमुख डा. ब्रजकिशोर ठाकुरले बताए ।
उनका अनुसार हालसम्म थिङको खोरका टर्की ४३, लोकल कुखुरा १८, ब्रोइलर १४, परेवा २० र लौकाट ६ वटा मरिसकेका छन् । कुखुरा मरेपछि फागुन २८ गते ल्याब परीक्षण गर्न काठमाडौंस्थित पशु रोग अन्वेषण प्रयोगशालामा नमुना पठाइएकोमा बर्डफ्लू पुष्टि भएको रिपोर्ट प्राप्त भएको भन्दै ठाकुरले अब कुखुरा नष्ट गर्ने बताए ।
पछिल्लो समय देशको विभिन्न स्थानमा निरन्तररुपमा बर्डफ्लु देखिरहेको छ ।
