Trending
Saturday, May 2, 2026
नेपालस्थित पाकिस्तानी राजदूतावास काठमाडौंले कश्मीर सम्बन्धमा आज एक कार्यक्रम आयोजना गरेको छ । अठहत्तर वर्षअघि २७ अक्टोबर १९४७ देखि चल्दै आएको विवादलाई प्रज्वलित गर्दै अन्तर्राष्ट्रिय कानूनको उल्लङ्घन गर्दै भारतीय सेनाले श्रीनगर विमानस्थलमा अवतरण गरेको थियो। कार्यक्रममा नेपालका प्रतिष्ठित पत्रकार, बुद्धिजीवी तथा नागरिक समाजका प्रतिनिधिहरुको उपस्थिति रहेको थियो । कार्यक्रममा पाकिस्तानका राष्ट्रपति, प्रधानमन्त्री, उपप्रधानमन्त्री तथा विदेशमन्त्रीका सन्देश पढेर सुनाइएको थियो ।
राष्ट्रपति आसिफ अली जर्दारीले आफ्नो सन्देशमा सन् १९४७ को आजको दिनमा भारतीय सेनाले श्रीनगरमा कब्जा र दमनको कालो अध्यायको सुरुवात गरेको स्मरण गराए । उनले भने कि कश्मीरीहरूको पुस्ताले अकल्पनीय पीडा र प्रणालीगत दमन सहेको छ। राष्ट्रपतिले अन्तर्राष्ट्रिय समुदाय, विशेष गरी संयुक्त राष्ट्र संघलाई भारतको गम्भीर मानवअधिकार उल्लङ्घनका लागि जवाफदेही बनाउनआह्वान गरे।
