आफै लगानी नगरी व्यक्तिमा समृद्धि असम्भव : शैलेन्द्र गुराँगाई, पूर्वअध्यक्ष, इपान

स्वतन्त्र उर्जा उत्पादक संघ नेपाल इपानका पूर्व अध्यक्ष तथा जलस्रोतविद् शैलेन्द्र गुराँगाईले आफै लगानी नगरी व्यक्तिको जिवनमा समृद्धि नआउने दाबी गर्नु भएको छ ।

संखुवासभा–काठमाडौ जर्नालिष्ट एशोसिएसन एसकाजले आज काठमाडौमा गरेको कार्यक्रममा उहाँले जिवनलाई सार्थक र समृद्धितिर डो¥याउन व्यक्ति आफैले लगानी गर्नु पर्ने बताउनुभएको हो ।

व्यक्ति, समाज, जिल्ला र देश आर्थिक रुपले सम्पन्न हुन आफै लगानी गर्ने बातावरण बनाउनु पर्ने उहाँको भनाई थियो । लगानी गर्नको लागि कागजी र कानुनी झन्झट भएकाले सरकारले लगानीमैत्री वातावरण बनाउन कानुनलाई चुस्त र सरलिकृत गर्दे लैजानु पर्ने उहाँको भनाई थियो । जलस्रोतमा लगानी गर्न व्यक्ति स्वस्फूर्त रुपमा चाहन्छ तर, यसका प्रकृयालाई सरलीकृत गर्नु पर्ने उहाँको भनाई छ ।

नेपालमा उर्जाको सम्भावना अत्याधिक भएकाले उर्जामा जनता आफैले लगानी गर्ने वतावरण बनाउनु पर्नेमा जोड दिनुभयो । उर्जामा जनताको पहुँच पुग्न नदिनको लागि बिभिन्न तानाबुना रचिने गरेको भन्दै जनता आफै पनि सजग हुनु पर्ने उहाँको भनाई थियो । चिलिमे जलबिद्युत आयोजना जनताको स्वस्फूर्त लगानीमा निमार्ण भएकाले त्यसको प्रतिफल पनि रसुवाली जनताले पाएको बताउनुभयो ।

स्वतन्त्र उर्जा उत्पादक संघ नेपालका पूर्व अध्यक्षसमेतरहेका गुराँगाईले जनताको पानी जनताकै लगानी भन्ने सरकारको संकल्प अनुसार उर्जामा लगानी गर्ने बातावरण बनाउन इपानले भूमिका खेल्ने प्रष्ट पार्नुभयो ।

व्यक्तिलाई लगानी गर्ने वातावरण नबनाउन बिभिन्न रणनीति बन्ने गरेको भन्दै अरुले गरीदिएको लगानीबाट व्यक्तिमा समृद्धि नआउने ठोकुवा गर्नुभयो । लगानीको लागि बिदेशीको मुख ताक्ने प्रवृद्धि हावि भएकाले यसबाट मुक्ति पाउन पनि जनता आफैले लगानी गर्नु पर्ने उहाँको भनाई थियो । कुनै व्यापार,व्यवसायको लागि आफै लगानी गर्न उहाँले सबैसंग आग्रह पनि गर्नुभयो ।

बिदेशीले लगानी गरे उनीहरु नै समृद्ध हुने भएकाले आफै लगानी गर्न उत्साहित हुनु पर्ने उहाँको भनाई थियो ।