Trending
Friday, June 26, 2026
पशुपतिनाथ मन्दिरसहित देशभरका शिवालयमा बिहानैदेखि दर्शनार्थीको घुइँचो लागेको छ ।
काठमाडौँको पशुपतिनाथमा बिहानैदेखि दर्शनार्थीको घुइँचो लागेको छ । साउने सोमबारको पूजाआजा गर्न आएका दर्शनार्थी तथा बोलबम यात्रामा निस्केकाहरूका लागि बिहानदेखि नै मन्दिरमा सहज रूपमा दर्शनको व्यवस्था मिलाएको पशुपति क्षेत्र विकास कोषले जनाएको छ ।
यस्तै पर्सा राष्ट्रिय निकुञ्जको संरक्षण क्षेत्रभित्र पर्ने भाथा धामको रुपमा परिचित दुग्धेश्वरनाथ महादेव मन्दिरमा पनि भक्तजनको घुइचो लागेको छ । दाङको घोराही उपमहानगरपालिका–१८ अम्बापुरमा अवस्थित अम्बिकेश्वरी मन्दिरमा भक्तजनको भिड लागेको छ ।
साउनको अन्तिम सोमबार आज देवघाटधामस्थित सङ्गमेश्वर पशुपतिनाथ मन्दिरमा पूजा आराधना एवं १०८ शिवलिङ्गमा भक्तजनको भिड लागेको छ ।
यसैगरी आज काठमाडौँ उपत्यकामा पशुपतिनाथसहित, गोकर्णेश्वर, सन्तानेश्वर, डोलेश्वर, किरातेश्वर, भालेश्वरसहित, काभ्रेपलाञ्चोकको साँगा, तनहुँको देवघाट, म्याग्दीको गलेश्वरलगायत शिवालयमा भक्तजनले बिहानैदेखि स्नान गरी महादेवको पूजा आराधन गरिरहेका छन् ।
