बालबिकास आधारभुत बिद्यालयद्धारा सम्मानीत हुँदा अभिभावक भए खुशी

सामुदायिक विद्यालय परिवर्तनको लागि निरन्तर अभियान अन्तर्गत संखुवासभाको श्री बालविकाश आधारभुत विद्यायलय लामिचौरमा यो बर्ष बिद्यार्थी संख्या ह्वातै बढेको छ ।

चैनपुर–७ भ्यागुते ढुङ्गाको शैक्षिक सत्र २०८० को पहिलो कार्यक्रम अभिभावक बीच छलफल र सम्मान कार्यक्रममा बिद्यालयका प्रधानाध्यापक सुरेन्द्र तामाङले बिद्यालयमा शैक्षिक सुधार हुँदा बिद्यार्थीको संख्या बढ्दै गएको बताउनुभयो ।

बिद्यालय सुधार कार्यक्रम अनुसार सामुदायिक विद्यालय परिवर्तनका लागि हातेमालो गर्दै चैनपुर नगरपालिकाका अमिन प्रकाश बजगाँईले शैक्षिक सत्र २०८० भरिका लागि कपि, पेन्सिल , इरेजरलगायतका शैक्षिक सामाग्री प्रदान गर्नुभयो ।

विद्यालय व्यवस्थापन समितिका अध्यक्ष लक्ष्मीमाया अधिकारीले बिद्यायल सुधार कार्यक्रममा महत्वपूर्ण भुमिका खेलेको भन्दै अभिभावकलाई सम्मानीत गर्नु भएको थियो ।
शैक्षिक सत्रको सुरुवातसँगै विभिन्न विद्यालयबाट आधारभुत विद्यालयमा आउनुभएका नवआगन्तुक विद्यार्थीहरुलाई स्वागत तथा एकरुपताका लागि निशुल्क ट्रयाकसुट,टाईबेल्ट, टीसर्ट , ब्याग वितरण समेत गरीएको थियो ।

सामुदायिक विद्यालय परिवर्तन र सुधार कार्यक्रम अन्तर्गत यस विद्यालयका शिक्षक अहोरात्र खटी महत्त्वपूर्ण योगदान पु¥याउनु भएकोमा सम्पुर्ण सेवा क्षेत्रको अभिभावकहरुको प्रतिनिधित्व गर्नुहुदैं विद्यालय व्यवस्थापन समितिकी अध्यक्ष लक्ष्मीमाया अधिकारीले विद्यालय का प्रधानाध्यापक सुरेन्द्र तामाङ लगायत शिक्षक हरुलाई प्रशंसा पत्रद्वारा सम्मान गर्नुभएको थियो ।

कार्यक्रम सँगसँगै २०७९ को एकसय प्रतिशत छात्रा र दलित छात्र विद्यार्थीहरुलाई छात्रवृत्ति समेत प्रदान गरीएको थियो ।