Trending
Sunday, August 23, 2026
नेपाल पत्रकार महासंघ संखुवासभाको भवन निमार्णको लागि संखुवासभा उद्योग बाणिज्य संघका अध्यक्ष, व्यवसायी तथा युवा समाजसेवी कृष्णभगत प्रधानले जग्गा प्रदान गर्नु भएको छ ।
प्रधानले बुधबार एक कार्यक्रमकाबीच ३० लाख मूल्य बराबरको जग्गा नेपाल पत्रकार महासंघ संखुवासभाको नाममा हस्तान्तरण गर्नु भएको हो । उहाले बिकासकालागि सञ्चारको भूमिका महत्वपूर्ण रहने भन्दै आफ्ना स्वः पिता गोपाल भगत प्रधानको स्मृतिमा जग्गा निःशुल्क उपलब्ध गराउनु भएको हो ।
नेपाल पत्रकार महासंघको भवन निर्माणका लागि कोशी प्रदेश सरकारबाट ३० लाख रुैपैया, खाँदबारी नगरपालिकाबाट १० लाख रुपैया बिनियोजन भई सकेको छ । नेपाल पत्रकार महासंघका अध्यक्ष इन्द्रकुमार गिरीले आजैबाट भवन निमार्णको काम थालनी गरीएको बताउनुभयो । उहाँले तोकीएकै समयमा भवन निर्माण सम्पन्न गरीने पनि जानकारी दिनुभयो ।
लामो समय पछिको प्रयास पछि नेपाल पत्रकार महासंघको भवन निर्माण थालनि भए पछि सञ्चारकर्मीले खुशी व्यक्त गरेका छन् । जग्गादाता प्रधान सञ्चार उद्यमी समेत हुनुुहुन्छ ।
