मकालु लाक्पा हिमाल आरोहणमा नामै काफी, एउटै हिमाल चार पटक आरोहण

प्रख्यात हिमाल अरोही संखुवासभाको मकालु गाउँपालिका–१ का लाक्पा शेर्पाले इण्डोनेसियाको सबै भन्दै अग्लो हिमाल कास्टैन्स पिरामिडको आठ दिनमा चार पटक सफल आरोहण गरेकाछन् । मकालु लाक्पाका नामलेसमेत प्रख्यात युवा आरोही शेर्पाले इण्डोनेसियाको सबै भन्दा कठिन हिमाल ४हजार ८ सय ८४ मिटर अर्थात १६ हजार २४ फिट अग्लो हिमालको सबै भन्दा छोटो समयमा सफलतापूर्वक अरोहण गर्ने नेपाली बनेकाछन् ।

उनले अक्टोवर १९ का दिन स्थानीय समय अनुसार बिहान ७ बजे शिखर चुमेका थिए । त्यसैगरी अक्टोवर २२ का दिन बिहान ७ः४० बजे, अक्टोबर २४ का दिन दिउसो १२ः२८ बजे र अक्टोबर २७ का दिन बिहान ६ बजे गरी चारपटक सफल आरोहण गरेका हुन् । उन्ले फोर्टिन पिक्स एक्सिपडिसन अन्र्तगत आरोहण दलको नेतृत्व गर्दे यो हिमालको सफल आरोहण गरेकाहुन् । हिमाल आरोहणबाटै बिश्वमा नेपालको नाम राख्ने उद्धेश्य लिएर उनले बिभिन्न कठिन हिमालहरुको सफल आरोहण गर्दे नेपालको नाम बिश्व जगतमा चिनाउदै आएकाछन् । उन्ले यस भन्दा अघि पनि हिमाल आरोहणको क्षेत्रमा महत्वपूर्ण हिमाल मकालु हिमालको १६ दिनमा ३ पट सफलतापूर्वक आरोहण गरेर बिश्व र्कीतिमान कायम गरी सकेकाछन् । युवा आरोहीको सफलतापूर्वक भएको हिमाल आरोहणले हिमाल अरोणको क्षेत्रमा आन्तरिक र बाह्य आरोहिहरुलाई आकर्षित गरी रहेको छ ।