गैर आवासीय नेपाली संघ मलेसियाको अध्यक्षमा राकेश महतो निर्वाचित

गैर आवासीय नेपाली संघ मलेसियाको नवौ अधिबेशन सम्पन्न भएको छ । अधिबेशनले राकेश प्रसाद महतोको अध्यक्षता २३ सदस्यीय समिति सर्वसहमत चयन गरेको छ । उपाध्यक्षमा राजु तामाङ ,सन्तोस पौडेल सहित महिला संयोजकमा शोभाकुमारी खडका लगायत सबै जना सर्वसम्मत निर्वाचित भएका हुन ।

आजको कार्यक्रममा संस्थापक अध्यक्ष संकर प्रसाद पौडेल को उपस्थित रहेकोथियो भने चर्चित गायक राजनराज शिवाकोटीले लोकप्रिय गित प्रस्तुत गर्नु भएको थियो । एनआरएनए मलेसिया, केन्द्रिय समितिको अध्यक्ष पदमा उम्मेदवारी घोषणाकै क्रममा अहिलेका नवनिर्वाचित अध्यक्ष महतोले इमान्दारीकासाथ आफ्ना बिभिन्न प्रतिबद्धता व्यक्त गर्नु भएको थियो ।

उहाँले नेपाली राजदूतावाससँग सकृय सहकार्य गर्ने, समुदायसँग समन्वय गर्ने, आपतकालीन आश्रय व्यवस्थापन गर्ने, आपतकालीन राहत कोषको व्यवसथापन गर्ने, युवापुस्तालाई समावेश गर्ने, श्रमिक हक र समन्वय गर्ने, क्षेत्रीय पहुँच बिस्तार गर्ने, क्षेत्रीय समिति गठन। पारदर्शिता र जवाफदेहिताको पालना गर्ने, श्रमिक मनोपरामर्श र स्वास्थ्य कार्यक्रम लागु गर्ने ।

नवनिर्वाचित अध्यक्ष महोतोले बिगतमा समेत मलेसियामा रहेका नेपालीहरुको हक, अधिकार र संरक्षणको बारेमा आवाज बुलन्द गर्दे आउनु भएको छ । अप्ठेरोमा परेका नेपालीहरुलाई सहयोग र सहजीकरणकासाथै नेपालमासमेत बिभिन्न समाजिक काम गर्दे आउनुभएको छ । उहाँ निर्वाचित भएसंगै उहाँलाई बधाई तथा शुभकामना दिने क्रम जारी रहेको छ ।