Trending
Tuesday, July 15, 2025
काठमाडौँ उपत्यकासहित देशका धेरै ठाउँमा आजदेखि वर्षा हुने अनुमान गरेका छन्।
बंगालको खाडीबाट नेपालतर्फ आएको जलवाष्पयुक्त हावासँगै पश्चिमी वायु तथा स्थानीय वायुकोसमेत आंशिक प्रभावको कारण आगामी तीन/चारदिनसम्म नेपालको मौसम बदली हुने जल तथा मौसम विज्ञान विभागले जनाएको छ।
विभागका अनुसार आजदेखि आगामी शुक्रबारसम्म नै कोशी, बागमती, गण्डकी, लुम्बिनी र मधेश प्रदेशको मौसम बदली हुने छ।
मौसम पूर्वानुमान महाशाखाले सोमबार राति ८ बजे जारी गरेको बुलेटिनमा पनि आगामी २४ घण्टासम्म देशका धेरै ठाउँमा मेघगर्जन र चट्याङसहित हल्का वर्षाको सम्भावना रहेको उल्लेख छ। विभागका अनुसार काठमाडौँमा बढेको प्रदूषण नियन्त्रणमा पनि वर्षाले राहत पुग्ने छ।
