Trending
Tuesday, August 25, 2026
नेपाल आयल निगमले इन्धनको मूल्य घटाएको छ। निगमको सोमबार बसेको सञ्चालक समितिको बैठकले इन्धनको मूल्य घटाउने निर्णय गरेको हो।
सोमबार मध्यराति १ बजेदेखि लागु हुनेगरी निगमले डिजेल, मट्टितेल र हवाई इन्धनको मूल्य घटाएको हो।
आयल निगमनका अनुसार डिजेल र मट्टितेलको मूल्य प्रतिलिटर २ रुपैयाँ घटाइएको छ। त्यस्तै हवाई इन्धन आन्तरिकतर्फ प्रतिलिटर ७ रुपैयाँले घटेको छ।
त्यस्तै निगमले हवाई इन्धन अन्तराष्ट्रियतर्फ काठमाडौंका लागि प्रतिकिलोलिटर अमेरिकी डलर ५१ ले घटाइएको जनाएको छ।
खाना पकाउने एलपी ग्यास र पेट्रोलको मूल्य भने यथावत राखिएको छ।
मूल्य घटेसँगै डिजेलको मूल्य पहिलो वर्गका लागि प्रतिलिटर १४६.५० रुपैयाँ, दोस्रो वर्गमा १४८ रुपैयाँ र तेस्रो वर्गका लागि प्रतिलिटर १४९ रुपैयाँ कायम भएको छ।
निगमले चारआली, विराटनगर, जनकपुर, अमलेखगञ्ज, भलबारी, नेपालगञ्ज, धनगढी र वीरगञ्ज डिपो पहिलो वर्ग, सुर्खेत र दाङ दोस्रो वर्ग तथा काठमाडौं, पोखरा र दिपायलस्थित डिपोलाई तेस्रो वर्गमा वर्गीकरण गरेको छ।
