काठमाडौमा निर्माण भई रहेको संखुवासभा भोटे गुम्बा निर्माणमा ज्याम्याङ भोटेले गरे २ लाख, ५१ हजार बढी सहयोग

काठमाडौमा निर्माण भई रहेको संखुवासभा भोटे गुम्बा निर्माणकालागि संखुवासभा भोटखोला–३ फराङका समाजसेवी ज्याम्याङ भोटेले आर्थिक सहयोग गर्नुभएको छ । उहाँले दुईलाख एकाउन्न हजार दुईसय बीस रुपैया आर्थिक सहयोग गर्नुभएको हो । लामो समयदेखि पर्यटन क्षेत्रमा आबद्ध भोटेले भोटे गुम्बा निर्माण हुनु सबै भोटे समूदायकालागि खुशीको कुरा भएको भन्दै सबैलाई आर्थिक सहयोग गर्न आग्रह पनि गर्नुभयो ।

सामाजिक काममा रुची राख्ने भोटे संखुवासभा भोटे गुम्बाको संस्थापक सल्लाहकार पनि हुनुहुन्छ । संखुवासभाको भोटखोला क्षेत्रबाट काठमाडौमा आफ्नो पहिचान बनाई सकेका भोटे समूदायले गोकर्णेश्वर नरपालिका–३ बालुवामा पबित्र धार्मिक तिर्थस्थलको रुपमा भोटे गुम्बाको निर्माण गरी रहेकाछन् । गुम्बाको एक तलासम्मको काम सकीएको र यस पटकको ग्यल्पो ल्होसर पनि भोटे समूदायले निर्माणाधिन गुम्बामा भेला भएर भव्य रुपमा मनाउदै एकताको सन्देश दिएका थिए । त्यसै गरी ज्याम्याङ भोटेको आग्रहमा सोलुखुम्बु हाल बुढानिलकण्ठ नगरपालिका–२ का सफल पर्यटन व्यवसायी टेण्डी शेर्पा र श्रीमती मेन्दोक शेर्पाले ५१ हजार रुपैया आर्थिक सहयोग गर्नुभएको छ ।