भोजपुरको भुल्केका ४ सय ६८ घरमा ‘एक घर एक धारा’

भोजपुरको रामप्रसादराई गाउँपालिका ३ भुल्केले एक घर एक धारा अभियान सञ्चालन गरेर चार बढी घरमा पिउने पानी वितरण गरेको छ । वडाले यो अभियान अन्तर्गत स्थानीयको पानीको समस्या समाधन गरेको हो ।

यहाँका पिउने पानीको समस्या रहेका सवै स्थानीयको घरमा एक घर एक धारा सञ्चालनमा ल्याएको छ । वडा भित्रका सम्पूर्ण चार सय ६८ घरमा धारा जडान भएको वडाध्यक्ष रामु थापामगरले बताए । आर्थिका २०८०/८१ मा वडाको बजेटबाट रु दश लाख विनियोजन गरेर दुई सय १६ घर र यस अघि निर्माण भएका धारासहित चार सय ६८ घरमा पानी सञ्चालन गरिएको उनको भनाइ छ । वडामा एक घर एक धारा अभियान सञ्चालन गरेर पानी वितरण गरिएपछि स्थानीयको पानीको समस्या हटेको उनको भनाइ छ ।

‘हामीले यहाँका स्थानीयको पानीको समस्या समाधानको लागि एक घर एक धारा अभियान सञ्चालन गरेर पानी वितरण गरेका छौँ’ वडाध्यक्ष थापामगरले भने,‘यहाँका सवै घरमा सुद्ध पिउने पानी पु¥याउन सफल भएका छौँ । यसले स्थानीयको बषौँदेखी पानीको समस्या समाधान भएको छ ।’

वडाले एकघर एक धारा अभियान सञ्चालन गरेर प्रत्येक घरमा सुद्ध पिउने पानी पु¥याएपछि स्थानीयबासी खुसी भएका छन् । घरमा धारा जडान भएपछि बषौँदेखीको पानीको समस्या अन्त्य भएको स्थानीयबासी कल्पना भट्टराईले बताइन् । अव भने पानीको जोह गर्नको लागि घण्टौँ समय विताउनु पर्ने अवस्था नरहेको उनको भनाइ छ ।

‘घरमा धारा नहुँदा पानीको निकै समस्या थियो’ उनले भनिन्,‘अन्यत्रबाट बोकेर ल्याएर पानीको जोह गर्नु पर्ने अवस्था थियो । वडाको पहलमा घरमा नै धारा जडान भएपछि सहजता भएको छ ।’

घरमा धारा नहुँदा तीन धारा भन्ने स्थानबाट डोको बोकेर पानीको जोह गर्दै आएको स्थानीयबासी सरस्वती भट्टराईले बताइन्। घरको आगनमा धारा जडानले सरसफाईसँगै खेर गएको पानी करेसाबासी प्रयोग गर्दै आएको उनको भनाइ छ ।‘विगतमा पानीको जोह गर्न डोकोमा बोकेर ल्याउनु पर्ने अवस्था थियो’ उनले भनिन्,‘अहिले धारा जडान भएपछि दैनिक कामकाजमा सहज छ । खेर गएको पानीलाई सदुयोग गरेर करेसाबारीमा प्रयोग गरिरहेका छौँ ।’

धारा जडानसँगै स्थानीयको स्वास्थ्यलाई ध्यानमा राख्दै पानी जन्य रोगबाट बच्नको लागि वडाले एक घर एक फिल्टरको अभियान सञ्चालन गरेर फिल्टर पनि वितरण गरिएको वडासदस्य टेकराज भट्टराईले बताए । त्योसँगै स्थानीयलाई आवश्यकताको आधारमा पाएपसमेत वितरण गर्दै आएको उहाँले जानकारी दिए ।

‘यहाँका सवै स्थानीयको घरमा धारा पुगेको अवस्था छ’उनले भने,‘पानी जन्य रोगबाट बच्नको लागि स्थानीयलाई फिल्टर पनि वितरण गरिएको अवस्था छ ।