संखुवासभाका १० वटा स्थानीय निकाय मध्य कांग्रेसले जितेका ६ वटा स्थानीय निकाय मध्य ४ वटा स्थानीय निकायका प्रमुुखहरु भारतको हैदराबादतर्फ लागेकाछन् । जिल्लाको केन्द्रमा रहेको खाँदबारी नगरपालिकाको संयोजनमा जिल्लामा नेपाली कांग्रेसले जितेका स्थानीय निकायका प्रमुख र कर्मचारीको टोलि १० दिनको छुट्टीमा त्यस तर्फ लागेकाछन् । कर्मचारीसहितको १२ जनाको जम्बो टोलि फागुन २४ गते भारतको हैदराबादबाट फर्कने छ ।

हैदराबादमा यहि फागुन १४ गतेदेखि २४ सम्म इन्टरनेशलन ट्रेनिङ प्रोगाम हुँदै छ भनिएको छ । १० दिनको छुट्टी भने पनि आउँदा जादा झण्डै १८ दिन लाग्ने बताइएको छ । खाँदबारी नगरपालिकाका प्रमुख महेश थपलियाले खाँदबारी नगरपालिकाले संयोजन गरेको र भारतीय दूतावासले सहयोग गरेको भनेर बिज्ञप्ती जारी गर्नुभएको छ । यति लामो समयसम्म स्थानीय निकायमा प्रमुख नहुँदा जनताको काममा कुनै असर नपर्ने पनि बिज्ञप्तीमा उल्लेख गरेर उहाँसहितको टोलि हैदराबाद जान काठमाडौतर्फ लागेको हो । यद्यपी कांग्रेसले जितेको मकालु गाउँपालिकाका प्रमुख ओङ्दी छिरिङ शेर्पा भने मकालु महोत्सव परेका कारण त्यता जानबाट छुट्नु भएको छ ।

त्यसैकारणले गर्दा चारवटा कांग्रेसले जितेका स्थानीय निकायको टोलि मात्र त्यसतर्फ जान काठमाडौ आईसकेको छ । एमालेले जितेका नगरपालिका र गाउँपालिकाका प्रमुख र कर्मचारीलाई भने संयोजन नगरी जिल्लामा बिभेद गरीएको अन्य गाउँपालिकाका प्रमुखले अरोप लगाएकाछन् । भ्रमणमा उत्साहित हुँदै जाने टोलिमा खाँदबारी नगरपालिकाका प्रमुख महेश थपलिया, चिचिला गाउँपालिकाका प्रमुख पासाङ शेर्पा, पाँचखपन नगरपालिकाका प्रमुख विपीन राई र सिलीचोङ गाउँपालिकाका प्रमुख भुपालराज मेवाहाङ हुनुहुन्छ । उहाँहरुकोसाथमा कर्मचारीहरुको टोलिसमेत रहेको छ ।

एमालेले जितेको नगरपालिका तथा गाउँपालिका चैनपुर, मादी, धर्मदेबी, भोटखोला गरी ४ वटा स्थानीय निकायलाई भने वाईपास गरेर भित्रभित्रै संयोजन गरीएकाले हैदराबादतर्फको यात्रालाई संकास्पद भनेर जिल्लाका एमाले नेताहरुले टिप्पणी गरेकाछन् । भोटखोला गाउँपालिकाका प्रमुख वाङछेदर भोटेले छनौट कसरी भयो आश्चर्य लागेको प्रतिक्रिया दिनुभयो । कांग्रेसले जितेका स्थानीय निकायमा मात्र कृषि र पर्यटको बिकास आवश्यक हो की ? भन्ने उहाँको प्रश्न छ । बिभेदकारी भ्रमण र यस्तो छनोटमा संखुवासभाका जनतालेसमेत आशंका व्यक्त गरेकामात्र छैनन प्रश्न पनि उठाएकाछन् । कांग्रेसले जितेका स्थानीय निकायका प्रमुखमात्र छनोटमा पर्ने र एमालेले जितेका स्थानीय निकायका प्रमुख छनोटमा नपर्नु कस्तो छनोट बिधि हो भनेर प्रश्न ते¥साइएको छ । १० वटा स्थानीय निकाय मध्य कांग्रेस ६ र ४ वटा एमालेले जितेको छ । कांग्रेसका स्थानीय निकायका प्रमुखलाई भारतले रोज्दा अन्य ४ वटा स्थानीय निकायका प्रमुखलाई चीनले रोज्ने हो की ? तर, जे भए पनि जिल्लाको बिकासकालागि बिभेदमुक्त गरी सबैको समान सहभागिताबाट मात्र सम्भव छ ।