ग्याल्पो ल्होसारको अवसरमा स्नुकर प्रतियोगिता, जित्नेलाई यस्तो सम्म पुरस्कार

ग्याल्पो ल्होसारको अवसरमा काठमाडौमा स्नुकर प्रतियोगिता हुने भएको छ । काठमाडौको बुढानिलकण्ठ नगरपालिका आकाशेधारास्थित बेस क्याम्प स्नूकर एण्ड रेस्टुरेन्टले पहिलो पटक ग्याल्पो ल्होसार कप स्नूकर प्रतियोगिता आयोजना गर्ने जनाएको हो । आकाशेधारामा रहेको बेस क्याम्प स्नूकर एण्ड रेस्टुरेन्टका अध्यक्ष पासाङ शेर्पाले स्नुकर प्रतियोगितामा खेल प्रेमी युवाहरुको आकर्षण बढेको भन्दै भव्य रुपमा आयोजना गरीने जानकारी दिनुभयो । खेलबाट स्वस्थ मनोरञ्जन प्राप्त गरीने र स्नुकर एउटा बौद्धिक र शारिरीक रुपले पनि शसक्त रुपमा खलिने खेल भएका कारण निकै आकर्षक पनि हुने उहाँको भनाई छ । प्रतियोगिता यहि फागुन २ देखि ९ गतेसम्म बेस क्याम्प स्नूकर एण्ड रेस्टुरेन्टमै आयोजना हुने पनि उहाँले जानकारी दिनुभयो । पछिल्लो समय स्नुकर खेलले सबैको मन जितेको मात्र छैन, निकै लोकप्रिय पनि बन्दै गएको छ । ग्याल्पो ल्होसार मनाउन तथा परम्परागत शेर्पा संस्कृतिको प्रवद्र्धन गर्न प्रतियोगिता आयोजना गर्न लागिएको अध्यक्ष शेर्पाको भनाई छ । उहाँले पहिलो ग्याल्पो ल्होसार कप स्नूकर प्रतियोगितामा शेर्पा समुदायले मात्र सहभागिता जनाउन पाउने पनि जानकारी दिनुभयो ।

खेल अनुशासन र मर्यादा भित्र खेलीने भएकाले यसले शेर्पा समुदायलाई एकताबद्ध गर्ने पनि उहाँको विश्वास छ । शेर्पा आफै पनि स्नुकर पारखी भएकाले खेलको माध्यमबाट संस्कृति प्रवद्र्धन गर्न सकीने उहाँको भनाई छ । स्नूकरमा रुचि राख्ने शेर्पा समूदायका महानुभावहरुले यही माघ २८ सम्म ९८१३४४९८१० वा ९७६८३८००९० मा सम्पर्क गरेर खेलमा आफ्नो नाम सुरक्षित गर्न पनि उहाँले आग्रह गर्नुभएको छ । प्रतियोगितामा सहभागिता जनाउनका लागि मात्र दुई हजार रुपैया शुल्क लाग्ने बताइएको छ । यहि बर्षदेखि सुरु हुने ग्याल्पो ल्होसार कप स्नूकर प्रतियोगिता प्रत्येक बर्ष आयोजना गरिने छ । प्रतियोगिताका विजेताले एक लाख दश रुपैया नगद, ट्रफी, प्रमाणपत्रसहित भव्य पुरस्कार प्राप्त गर्ने छन् । खेलका उपविजेताले ५५ हजार नगद, ट्रफी र प्रमाणपत्र प्राप्त गर्ने छन् भने तेस्रो स्थान हासिल गर्ने प्रतियोगीले ३० हजार रुपैयाँ नगद, ट्रफी र प्रमाणपत्र प्राप्त गर्ने छन् । त्यस्तै ६०+ ब्रेक गर्ने खेलाडीलाई २० हजार नगद पुरस्कार प्रदान गरिने पनि अध्यक्ष शेर्पाले बताउनुभयो ।