काठमाडौस्थित जैन मन्दिरमा भगवान महावीरको २५ सय ५१ औ निर्वाण दिवस मनाईयो

काठमाडौको कमलपोखरीस्थित आदिनाथ दिगम्बर जैन मन्दिरमा महावीर स्वामीको निर्माण महोत्सव एवं दिपावली पर्वमा १०८ दिपक महाआरती कार्यक्रम आयोजना गरीयो । जैन मन्दिर काठमाडौमा भगवान महावीरको २५ सय ५१ औ निर्वाण दिवस जैन मन्दिर कमिटीको आयोजनामा भव्य रुपमा भक्तिभावको साथमा मनाईएको हो । यो निर्वाण दिवसको छुट्टै महत्व रहेको जैन मन्दिर कमिटीका अध्यक्ष सुभाष जैन सेठीले बताउनुभयो ।

विहान अभिषेक शान्तिद्वारा पूजापाठ र भगवानलाई निर्वाण लड्डु अर्पण गरीएको थियो । यो कार्यक्रमको शुभअवसर महावीरप्रसाद शान्तिदेवी काला परिवार राचीले जुराई दिनुभएको थियो । बेलुकीको १०८ दिप प्रज्वलन महाआरती समेत गरिएको थियो । जैन मन्दिर परिसरमा दिप प्रज्वलन गरी झिलीमिली बनाइएको थियो । अध्यक्ष जैन सेठीका अनुसार भगवान महावीरको जयकारसहित मन्दिरमा भगवानको पूजा आजा गरीएको थियो । महाप्रसाद काला राचीले शानदार रुपमा भजन प्रस्तुती दिनुभएको थियो । यो महोत्सवको अवसरमा सम्पूर्ण जैन धर्मावलम्बि र मन्दिर कमिटीका सम्पूर्ण पदाधिकारी र सदस्यहरुको सहभागिता थियो । सबै कार्यक्रम भक्तिभाव र उमंगकासाथ सम्पन्न भएको थियो । पूजापाठा विश्व समूदायबीच शान्तिको कामना गरीएको थियो ।