मारवाडी सेवा समितिबाट कृत्रिम खुट्टा पाउँदा मक्खछन अपाङ्गता भएका व्यक्तिहरु

मारवाडी सेवा समिति नेपालले आज एक कार्यक्रमकाबीच निःशुल्क कृत्रिम खुट्टा बितरण गरेको छ । मारवाडी सेवा समितिले प्रत्येक हप्ता शारिरीक रुपले अशक्त अर्थात अपाङ्गता भएका व्यक्तिहरुलाई निःशुल्क रुपमा कृत्रिम खुट्टा बितरण गर्दे आएको मारवाडी सेवा समिति नेपालका अध्यक्ष प्रमोद अग्रवालले जानकारी दिए । निःशुल्क रुपमा कृत्रिम खुट्टा बितरण गर्न आयोजित कार्यक्रममा अध्यक्ष अग्रवालले नेपालको दुर्गम कर्णाली प्रदेश, दुर्गम जिल्लाका बासिन्दा र भारतका बिभिन्न ठाउँका बासिन्दालाईसमेत कृत्रिम खुट्टा बितरण गरेको बताए । उन्ले हालसम्म ६ हजार ५ सय शारिरीक रुपले अशक्त व्यक्तिलाई कृत्रिम खुट्टा प्रदान गरेको बताए ।

खुट्टा प्रदान गरीएका व्यक्तिहरु सहजरुपमा हिड्डुल गर्न सक्ने भएका छन भने सहजरुपमा घरायसी काम गर्न सक्ने भएकाछन् । समितिले प्रत्येक हप्ता निःशुल्क खाना बितरणसमेत गर्दे आएको छ । काठमाडौका प्रमुख जिल्ला अधिकारी जयनारायण आर्चायले गौशाला धर्मशालाबाट मारवाडी सेवा समितिले पुर्याएको सहयोगको प्रशंसा गर्नुभयो । उहाँले सामाजिक काममा अन्य समूदायभन्दा मारवाडी समूदाय अगाडी रहेको पनि उल्लेख गर्नुभयो । कृत्रिम खुट्टा बितरण कार्यक्रममा सुरक्षा निकायका प्रमुख, पशुपति बिकास कोष, मारवाडी युवा मञ्चका अध्यक्ष प्रकाश केजरीवालको सहभागिता थियो । त्यसैगरी बिभिन्न दुर्गम क्षेत्रबाट खुट्टा लगाउन आएका शारिरीक रुपले अशक्त व्यक्तिहरुको सहभागिता थियो ।