Trending
Thursday, January 16, 2025
गाउँघरमा गोरु पाल्ने प्रचलन हराउँदै गएपछि र कृषिमा यान्त्रिकीकरण गर्ने उद्देश्यले घिरिङ गाउँपालिकाले किसानलाई अनुदानमा हाते ट्रयाक्टर वितरण गरेको छ । गाउँपालिकाले किसानलाई ५० प्रतिशत अनुदानमा हातेट्रयाक्टर वितरण गरेको हो ।
कृषियन्त्र तथा औजार वितरणमा ५० प्रतिशत अनुदान कार्यक्रमअन्तर्गत १९ लाख ६८ हजार बजेटमा ३२ वटा हाते ट्रयाक्टर खरिद गरिएको थियो । गाउँपालिकाका कृषि शाखा प्रमुख रवि रामदामका अनुसार प्रतिट्रयाक्टरको मूल्य ६१ हजार पाँच सय रहेकामा गाउँपालिकाले ५० प्रतिशत अनुदान व्यहोर्नेगरी छनोट भएका किसानलाई उनीहरूबाट रु ३० हजार सात सय ५० लिएर प्रदान गरेको हो ।
गाउँपालिकाले सबैलाई समान ढङ्गले अनुदान दिएकाले उत्पादनका आधारमा किसानलाई सम्मान गरिने प्रमुख रवि रामदामले भने, ‘कृषिमा आधुनिकीकरण जरुरी छ । हाते ट्रयाक्टरले लागत घटाउनुका साथै समय पनि बचत हुन्छ ।’
