संखुवासभा–काठमाडौ जर्नालिष्ट एशोसिएसनको अध्यक्षमा खनाल

संखुवासभा–काठमाडौ जर्नालिष्ट एशोसिएसन(एसकाज)को अध्यक्षमा शंकर खनाल पुनः निर्वाचित भएकाछन् । एशोसिएसनको शनिवार भएको साधरणसभाले खनाललाई सर्वसम्मत अध्यक्षमा निर्वाचित गरेको हो । अधिवेशनले उपाध्यक्षमा दिपेश श्रेष्ठ, महासचिवमा उद्धव भट्टराई, सचिवमा सुनिता पोखरेल, कोषाध्यक्षमा द्धारीका काफ्लेलाई निर्वाचित गरेको छ । त्यसैगरी सदस्यमा निमेशजंग राई, मणिराज गुरुङ, कुलचन्द्र बिष्ट, पर्वत बिश्वकर्मालाई पनि निर्वाचित गरेको छ । सल्लाहकारमा हेमन्त गौतम, दुर्गा खनाल र संस्थापक अध्यक्ष दिपेन्द्र वान्तवा रहेकाछन् । नेपाल पत्रकार महासंघ संखुवासभाको पूर्व सभापतिसमेत रहेका खनाल हाल ईमेज टेलिभिजनमा कार्यरत छन् । लामो समयदेखि पत्रकारितामा आबद्ध खनालसंघ बिभिन्न सञ्चारगृहमा रहेर काम गरेको अनुभव छ । संखुवासभा काठमाडौ जर्नालिष्ट एशोसिएसनले संखुवासभा जिल्लाको विकास, सामाजिक, आर्थिक, साँस्कृतिकलगायतका बिषयमा जिल्लावासीबीच बिभिन्न कार्यक्रम गर्दे आएको छ । जिल्लाको बिकास निर्माणमा सरोकारवालाहरुसंग छलफल गर्दे समग्र जिल्लाबासीबीचको एकता भेटघाट आदानप्रदानमा महत्वपूर्ण काम गर्दे आएको छ । पछिल्लो समय विश्वका बिभिन्न देशमा रहेका संखुवासभाली र बिभिन्न देशमा रहेका संखुवासभासंग जोडिएका संघसंस्थाको सम्मेलन संखुवासभा विश्व सम्मेलनको क्षेत्रमा पनि आवाज उठाउदै आएको छ ।