लामो समयदेखि हङकङमा बसोबास गर्दै आएका साहित्यकार दाजु गुरुङले ‘निरजोया’ नामक उपन्यास तथा आख्यान प्रकाशन गरेका छन् । जसमा नेपालीहरूको विदेशमा पछिल्लो बढ्दै गएको अवस्था र उनीहरूका सुख–दुःखलाई मनोवैज्ञानिक ढङ्गले प्रस्तुत गरीएको छ । संखुवासभा समाज हङकङ र हङकङ साहित्यिक साझा शृङ्खलाको संयुक्त आयोजनामा हङकङको जोर्डनस्थित ब्लुओसन रेस्टुरेन्टमा आज भब्य कार्यक्रमकाबीच ‘निरजोया’ लोकार्पण गरिएको हो ।

निरजोया’ मा नेपालीको अवस्था, अनुभव, त्यहाँको सामाजिक एवं सांस्कृतिक परिवेश, आदिको वरिपरि उपन्यास घुमेको छ । गर्नेले बिदेशमा पनि धेरै राम्रो आर्थिक अवस्था बनाएको पनि झल्को दिन्छ । त्यतिनै अन्य अवस्थाको पनि वर्णन गरीएको छ । ‘निरजोया’ उपन्यासका प्रमुख दुई पात्र हुन्। नेपाली पुरुष निरोज र मलेसियन महिला जोया ।

यी दुईको नामबाट ‘निरजोया’ जुरेको हो। कथा झन्डै दुई दशक अगाडिको हो। माओवादी द्वन्द्वकालमा ठूलो संख्यामा तटस्थ बस्ने नेपाली जमातको कथा हो यो । सरकारी सेना र विद्रोही सेनाको बल मिचाइबाट आफूलाई जोगाउन र व्याप्त बेरोजगारबाट बच्न तथा केही बाध्यता अनि केही रहरले धेरै नेपाली युवा मलेसिया पुगेर राम्रो काम पनि गरेकाछन् ।

मुस्लिमहरूको बाहुल्य रहेको मलेसियामा महिलाहरूको भूमिका, त्यहाँको धार्मिक एवं सामाजिक परिवेशको बयान पनि गरिएको छ। मलेसियामा महिलाहरू काम गर्ने र पुरुषहरू भने घरमै बस्ने । अल्छे हुने। पुरुषहरूलाई उपभोग्य सामग्री जस्ता व्यवहार गर्ने जस्ता अनौठो सामाजिक परिवेशको उपन्यासमा उल्लेख गरिएको छ। कथाअनुसार, विवाहित निरोजलाई पिताले द्वन्द्वबाट बाँच्न ६ महिनाको लागि मलेसिया पठाएका हुन्छन्। उपन्यासका लेखक दाजु गुरुङले पुस्तक लेख्न तीन महिना लागेको बताए ।

सुरुमा ‘भिजिट भिसा’ शीर्षकको कथा लेखेको थिएँ। तर, त्यसमा धेरै कुरा छुटे। अनि छुटेका कुरा थप्दै जाँदा उपन्यास नै पो तयार भो,’ उनले भने । प्रायः लेखकहरूले आफू वरिपरिको परिवेश, भूगोलअनुसार लेख्छन् वा भनौँ आफ्नै कथा लेख्छन् भनिन्छ। तर, यसको विपरीत दाजु गुरुङले भने हङकङमा बसेर मलेसियाको कथा लेखेका छन् । ‘निरजोया’ लोकार्पण कार्यक्रममा हङकङका सामाजिक संस्थाहरूका प्रतिनिधि, साहित्यकार, महावाणिज्यदूतावासका प्रतिनिधि लगायतका व्यक्तित्वहरूको उपस्थिति रहेको थियो ।

संखुवासभाको मादी नगरपालिका स्थायी घर भएका गुरुङ झन्डै डेढ दशकदेखि हङकङमा बसोबास गरिरहेका छन्। गुरुङले त्रिभुवन विश्वविद्यालयबाट स्तानकोत्तर गरेका छन् भने उनमा प्राध्यापनको अनुभव समेत छ। यसअघि उनले ‘टाँकीका फूलहरू’ र ‘लाई–सि’ कथा सङ्ग्रह प्रकाशन गरेका थिए। ‘निरजोया’ उनको तेस्रो कृति हो।

आइतवार, १३ जेष्ठ, २०८१ गते

Comments

सम्बन्धित खवर

लोकप्रिय

धेरै पढिएको

संघर्षशिल युथ क्लबको दास्रो अधिवेशन सम्पन्न, अध्यक्षमा डुबा भोटे

किमाथांका नाका खोल्न परराष्ट्र मन्त्री साउदसँग सांसद दिपक खड्काको माग

संखुवासभाका अन्तराष्ट्रिय पदक विजेता नेपाली धावक निमेश गुरुङ सम्ममानित

राबा बैकको लोगोसंगै कार्यकारी प्रमुख किरण श्रेष्ठको तस्वीरले चुम्यो अफ्रिकाको चुचुरो

बर्दिवासको घाम बोलको गितमा गायक वाङछिरीङ भोटियाको अर्को सफलता

चुनौतिसंगै लाक्पा शेर्पा अर्को कीर्तिमान राख्न सातौ पटक मकालु हिमालको आरोहणमा

अन्तरपालिका स्तरिय फुटसल प्रतियोगिताको उपाधि धर्मदेबीलाई

प्रधानमन्त्रीसंग किम्माथांका नाका खोल्न माग गरेका छौ : वाङछेदर भोटे

किमांथाका नाका यहि सेप्टेम्बरबाट खुल्ने अध्यक्ष वाङछेदर भोटेको खुलासा

आठ पटक सगरमाथा चढेका ज्याम्चाङ भोटेले हिमालबारे कीन भने यस्तो !