Trending
Thursday, July 17, 2025
ललितपुर महानगरपालिकाले चक्रपथ कुसन्तीमा नेपालमा पहिलो लिफ्टसहितको अपाङ्ग मैत्री आकाशेपुल निर्माण गर्ने भएको छ । पुलको आज ललितपुर महानगरपालिकाका प्रमुख चिरिबाबु महर्जनले शिलान्यास गरे ।
ललितपुर महानगरपालिकाका प्रमुख महर्जनले चार वर्षको लगातारको मेहनत पछि आज पुलको शिलान्यास गर्न पाउँदा खुशी लागेको बताए । पुल निर्माणका लागि सडक विभागले स्वीकृति दिन ढिलाइ गर्दा ढिलो भएको उन्को भनाइ थियो ।
४ करोड ९२ लाख १६ हजार रुपैयाँको लागतमा निर्माण हुने आकाशे पुल निर्माणका लागि लामा प्रगती–मणि बुद्ध जेभि सँग यहि फागुन २० गते सम्झौता भएको हो । एक वर्षभित्र पुलको निर्माण कार्य सम्पन्न गर्ने लक्ष्य रहेको प्रमुख महर्जनले बताए । प्रमुख महर्जनले महानगरपालिकाले निकट भविष्यमै बाँकी ७ दशमलब ९ किलोमिटर क्षेत्रमा स्मार्ट स्ट्रीट लाइट जडानको लागि टेण्डर भइसकेको र चाँडैनै लाइट जडान कार्य सुरु हुने जानकारी पनि दिए ।
बाटो काट्ने पुल र लाइट नभएकाले यस क्षेत्रमा दुर्घटनाका कारण १७ जनाको मृत्यु भइसकेको छ ।
