अष्ट्रेलियन पर्वतारोहीले अक्सिजनबिना हिमाल चढ्ने

एक अष्ट्रेलियन पर्वतारोही एली पेपरले अक्सिजनबिना अन्नपूर्ण हिमाल चढ्ने भएकी छन् । अष्ट्रेलियन पर्वतारोही पेपरले आज काठमाडौमा आयोजित पत्रकार सम्मेलन मार्फत अक्सिजन बिना अन्नपूर्ण हिमाल आरोहण गर्ने बताएकीछन् । सन् २०२६ भित्र बिनाअक्सिजन विश्वका आठ हजार मिटर अग्ला १४ हिमाल आरोहण गर्ने लक्ष्य लिएको उन्को भनाई छ । उनले यही वसन्त ऋतुमा अन्नपूर्ण–१ चढ्न लागेको जानकारी दिइन् । आफ्नै आरोहण शैलीका कारण आफूले तोकेको समयमा लक्ष्य हासिल गर्ने कुरामा विश्वस्त भएको उन्को भनाई छ । उनले काठमाडौको सेभेन समिट ट्रेक्समार्फत बिनाअक्सिजन अन्नपूर्ण हिमालको आरोहण गर्न लागेकी हुन् । पेपरले सन् २००७ मा तिब्बतको माउन्ट चोयु हिमाल बिनाअक्सिजन आरोहण गरेकी थिइन् । पेपरले सन् २०२३ को जुलाई १५ मा ब्रोडपिक र सन् २०२३ को सेप्टेम्बर २८ मा मनास्लु हिमालको सफल आरोहण गरिसकेकी छन् । ब्रोडपिक बिनाअक्सिजन सफल आरोहण गर्ने उनी पहिलो अष्ट्रेलियाली महिलासमेत हुन् । विश्वमा हालसम्म ६ जना आरोहीले मात्र बिनाअक्सिजन आठ हजार मिटरभन्दा अग्ला १४ हिमालको आरोहण गरेको बताईएको छ । सेभेनसमिट ट्रेकका प्रोपाईटर प्रख्यात आरोहि मिङ्मा शेर्पाले आवश्यक तयारी भईरहेको भन्दै सफलता हासील हुने बताए ।