अमेरिकामा रहेका नेपालीहरुले धुमधामसंग तीज मनाएकाछन् । त्रिवेणी इन्टरटेन्मेन्ट एल.एल.सी.ले अमेरिकाको न्यूयोर्क सिटीमा बस्ने नेपालीहरुकालागि भव्य रुपमा तीज मनाउने चाजोपाँजो मिलाई दिएको हो । साँस्कृतिक बिबिधता र सामुदायिक सम्लग्नतासहित त्रिवेणी इन्टरटेनमेन्ट एलएलसी न्युयोर्कले नेपाली र बिदेशी महिलामात्र नभई सम्पूर्ण नेपालीकालागि तीज मनाउने माहोल मिलाई दिएको हो । नेपाली महिलाहरुको साँस्कृतिक महत्व बोकेको तीजमा नेपालीमात्र नभई बिदेशीहरुले पनि धुमधामसंग तजि मनाएको आयोजक खामलाल भट्टले बताउनुभयो । अमेरिका कर्म भूमि भए पनि आफ्नो जन्मभूमि नेपालको माटोको चिनारी गराउने गितसंगितमा उनीहरु हराएका थिए । त्यसै पनि बिदेशमा बस्नेहरुलाई नेपालको मायाँ बिछ्ट्टकै हुने गरेको छ ।

बल्ल बल्ल बर्ष दिनमा चेली माईतीबीचको सम्बन्धलाई प्रगाढ बनाउने यो पर्वमा बिदेशी भूमि अमेरिकामा हुने महिलाहरुले यहि त्रिवेणी इन्टरटेनमेन्ट एल.एल.सी.लाई आफ्नो माईती झै सम्झीएका छन् । किन भने यहि संस्था जन्माउने आयोजक समाजसेवी नवराज केसी र भट्टले यो अवसर जुटाई दिंदा धेरै नेपाली चेलीहरुले तीजमा हर्षका आँसु झार्न पाए । नेपाली नेपालीबीच नेपालीमा बोल्न पाउने अवसर मात्र हैन, जन्मभुमिको नेपाली चेली माईतीको बिलौनाले भरिएको गितमा नाँच्न र रमाउन पाउँदा उनीहरुले साँच्चै हर्षका आँसु मात्र झारेनन एकै छिन भए पनि कर्म भूमिलाई भुलेर आफ्नो जन्मभूमि नेपाल सम्झने अवसर पाए । कर्म भूमि भए पनि न्युयोर्क सिटीमा बस्ने धेरै नेपालीहरुले आफ्ना माईतीलाई भेट्ने अवसर पाए भने चेलीहरुलेसमेत आफ्ना माईतीहरुलाई भेट्ने अवसर पाए ।

त्यसो त नेपालीहरुको यो पर्व रंगीचंगी पोसाक अर्थात रातो सारी, पोते, चुरामा नेपाली नारी सजिदा साँच्चै न्यूयोर्क सिटी राताम्मे भएको भान गराउँथ्यो । रातो सारीमा चीटीक्क परेका नेपाली नारीहरुले यस्तो रमाईलो नाचगान र उल्लासमय मुस्कानले न्यूयोर्क सिटीका अन्य बिदेशीलाई पनि तीज मनाउन आकर्षित गरी रहेको थियो । धेरै बिदेशी पनि नेपालीसंगै यो तीजमा झुमे, नाचे र गाए । कोहि नाच्दा थिए, कोहि गाउँदा थिए नेपालीकालागि मात्र हैन, बिदेशीकालागि समेत निकै रमाईलो थियो माहोल । बर्ष भरिको थकाई, न्यास्रो र आलस्यलाई मेटाएर उर्जा थपिदिएको थियो यो तीजले । आफ्नो मौलिक संस्कृतिमा बिदेशमा बसे पनि रम्न कसलाई पो मन नहोला र ? हो त्यस्तै भएको थियो यो तीज पर्व ।

तीज पर्व मात्र हैन, एउटा ठुलै उत्सव बनेर आएको थियो अमेरिकामा । नाचगानसंगै दर खानेहरु मिठो मिठो मानेर खाँदा थिए । बिभिन्न नेपाली परिकारका खाना त्यो पनि सित्यै जुराईदिएको थियो त्रिवेणी इन्टरटेन्मेन्टले । समाजसेवा भोक, थकानका बीच निकै मिठो दर खाने अवसर थियो त्यो । त्यसमा पनि नेपालका सिमित शहरहरमा नचाईने लाखे नाचले सबैको ध्यान खिचेको थियो ।

त्यसो त न्यूयोर्क सिटीका मेयर एरिक एडम्सलेसमेत तीज पर्वकोलागि भव्य शुभकामनासमेत दिए । त्यसैगरी अमेरिकाका सेनेटर चार्ली ई. स्मीयर र कांग्रेस सदसय ग्रेस मीङ, अमेरिकी सेनेटर क्रिस्टन गिलब्राण्ड, स्टेभन रेग न्यूयोर्क सिटीका एसेम्मब्ली मेम्बरसमेतले शुभकामना दिनुभएको थियो । तीजमा झण्डै ५ सय बढी नेपालीहरु भेला भएर रौसीएका थिए । त्रिवेणी इन्टरटेन्मेन्ट एल.एल.सी.ले प्रत्येक बर्ष चेली माईतीको जमघट र मिलन गराईदिने भएको छ । नाम जस्तो छ काम पनि त्यस्तै छ । निरन्तर बग्ने तीनवटा खोलाको मिश्रण भएको अर्थात मिसिएको स्थान त्रिवेणी तर यहाँ दुईवेणीले नै त्रिवेणीको झै पवित्र काम गर्दे आएको छ । यस्तै त्रिवेणी निरन्तर बग्ने खोला झै बगि रहोस आफ्नो लक्ष्यमा पुगोस शुभकामना दिएकाछन् सबैले ।