चीनसंग जोडिएको संखुवासभाको किमांथाका नाका खुल्ने भएको छ । किमांथाका नाका खोल्ने सम्बन्धमा हिजो चीन र नेपालका सम्बन्धित वडाध्यक्षहरुको भर्चुल बैंठक पनि सकरात्मक भएको छ । भोटखोला गाउँपालिकाका अध्यक्ष वाङछेदर भोटेले यहि सेप्टेम्बर भित्र नाका खोल्ने दावी गर्नुभयो । नाका प्रवेशकालागि तत्कालकालागि सिमादेखि ३० किलो मिटर भित्रका भोटखोलाबासीले मात्र सिमा प्रवेशकालागि अनुमति पाउने बताईए पनि यसको टुंगो भने लागेको छैन । अनुमतिकालागि जिल्ला प्रशासन कार्यालय संखुवासभामा अनुमतिपत्र बनाउने काम अगाडी बढाईएको छ । अध्यक्ष भोटेले सिमानाकामा सुरक्षाकालागि प्रहरी चौकी बनाउने काम हुदै गरेको, प्रवेशको लागि गेट निर्माण हुदै गरेको, बिजुलीको व्यवस्थापन हुदै गरेको र सीसी क्यामरा जडानको काम भई रहेको जानकारी दिनुभयो । उहाँले नेपाल प्रवेश तर्फको सिमानाकामा कडाई गरीने पनि बताउनुभयो । चीन सरकारको तयारी पुरा भएको र यता नेपाल तर्फ केहि तयारी बाँकी रहेकाले चाडै नाका खुल्ने सन्देश छ उहाँले भन्नु भयो । प्रवेशको लागि गाउँपालिकाको आफ्नै नियम हुने र केहि राजश्व संकलन हुने गरी नीति नियम बनाईने उहाँको भनाई छ । हामी काम गरेर देखाउने हो । मिडियामा जानु भन्दा पहिले हामी गरेरे दखाउने पक्षमा थियौ, तर, मिडियाले चाडो थाहा पायो । जे भए पनि नाका खुलेपछि किमांथाकाबासीलाई सहज हुने उहाँको भनाई छ ।

आइतवार, २४ भदौ, २०८० गते