Trending
Wednesday, December 17, 2025
सुदुरपश्चिम प्रदेशको डडेल्धुरा अस्पतालको सेवाप्रति सेवाग्राहीको असन्तुष्टी बढ्दै गएको छ । अस्पतालमा दरबन्दी अनुसारका चिकित्सक र स्वास्थ्यकर्मीहरु नहुँदा अस्पतालमा टाढाटाढाबाट आउने बिरामीले स्वास्थ्य सेवा पाउन सकेका छैनन् ।
सामान्य उपचारका लागि पनि बिरामीलाई अस्पतालका कर्मचारीले धनगढी, कोहलपुर र भारतका अस्पताल जाने सल्लाह दिने गरेका छन् ।
३६ जना चिकित्सकहरुको दरवन्दी भएको डडेल्धुरा अस्पताललाई हाल तीनजना मेडिकल अधिकृतले धानेका छन् भने सामान्य ज्वरोका बिरामीको उपचार पनि हुन नसक्दा रिफरल अस्पतालबाट अन्यत्र रिफर हुन थालेको स्थानीय बताउँछन् ।
अस्पतालमा भौतिक संरचना निर्माणदेखि करोडौंका अक्सिजन प्लान्ट, विभिन्न मेसिन तथा उपकरणहरु अस्पतालभित्र थन्किएका छन् ।
