Monday, September 9, 2024
अमेरिकामा रक्की माउण्टेन फ्रेण्ड्स अफ नेपालको संयोजनमा नेपाली नयाँ बर्ष २०८० भव्य रुपमा मनाईएको छ ।
अमेरिकाको कोलोराडोमा र अन्य शहरमा रहेका नेपाली भषीका सम्पूर्ण संघ संस्थाले संयुक्त रुपमा आयोजना गरेको कार्यक्रममा प्रत्येक शहरका नेपालीहरुको सहभागिता थियो ।
बोल्डर सिटी एण्ड काउन्टिको कार्यालयले सन् २००४ देखि हरेक बर्ष अप्रिल महिनामा नेपालीहरुको नयांबर्षको उपलक्ष्यमा “नेपाल डे परेड” हुनेछ भन्ने औपचारिक घोषणा गरेपछि “नेपाल डे परेड ”कार्यक्रम आयोजना गरीदै आएको छ । हेल्पिङ्ग हेन्डस हेल्थ एजुकेसन अमेरिकाबाट थालिएको कार्यक्रम अहिले अमेरिकाका नेपालीबीच प्रख्यात छ ।
नेपालीहरुको दिवस भनेर अमेरीकी सरकारबाट स्विकृत पहिलो सुचीकृत कार्यक्रम भएको संखुवासभा समाज अमेरिकाकी अध्यक्ष शान्ति श्रेष्ठले बताउनुभयो । नेपालीहरुको नयाँ बर्ष २०८० सालको नेपाल डे परेड सम्पन्न भएकोमा सबै अमेरिकामा रहेका नेपालीहरुले खुशी व्यक्त गरेकाछन् ।
