जैन धर्मका प्रवर्तक महावीरको अहिंसाको बाटो आज पनि उत्तिकै सान्र्दभिक

आज जैन धर्मका प्रवर्तक महावीरको २६ सय २२ औं जन्मजयन्तीका अवसरमा काठमाडौमा बिशाल ¥याली निकालिएको छ । अहिंसा र शान्तिका अग्रदूत जैन धर्मका २४ औं तीर्थकर महावीरको कल्याणक समारोहका अवरमा ¥याली निकालिएको हो ।

नैपाल जैन परिषद्ले आयोजना गरेको कार्यक्रममा बिश्व शान्ति, आपसी सद्भावको कामना गरीएको थियो । हिंसा अन्त्य गर्नु पर्ने र भाईचाराको सम्बन्धलाई जोड दिईएको थियो । ¥याली काठमाडौ शहरका बिभिन्न स्थानको परिक्रमा पछि जैन भवनमा आएर शभामा परिणत भएको थियो । समारोहलाई उपराष्ट्रपति रामसहाय प्रसाद यादवले धर्मको परिभाषा र प्रभाव सर्वजनहीतायको भावनाले मात्रै ओतप्रोत हुने बताउनुभयो ।

उहाँले धर्मका विभिन्न प्रकार भएपनि सबै धर्मको लक्ष्य भनेको एउटै हुने बताउनुभयो । उहाँले धर्मले नै संसारका सबै नीति, नियम र प्रक्रियालाई अनुशाषित रुपमा अघि बढ्न प्रेरित गर्ने बताउनुभयो । उहाँले महावीरका अहिंसा, एकान्त, अपरिग्रहहरु सिद्धान्त सामाजिक जीवनमा आजपनि उत्तिकै सान्दर्भिक रहेको बताउनुभयो ।

उपराष्ट्रपति यादवले महावीरका उत्कृष्ट सिद्धान्तहरुलाई अनुशरण गर्दै धर्म, संस्कृति, समाजसेवाका माध्यमबाट आफ्नो सकारात्मक छाप छोड्न उनका अनुयायीहरु सफल रहेको पनि बताउनुभयो । कार्यक्रमका सहभागिहरुले जैन धर्मवालम्बिहरुको अनुशासन र उनीहरुले देखाएको शान्तिको बाटो सबैकालागि उदाहरणीय रहेकोमा जोड दिएका थिए ।