पर्यटन व्यवसायी मिङ्माले गरे संखुवासभाको दुर्गम मकालुबाट बिरामीको उद्धार

संखुवासभाको मकालुबाट परिवारसहित एकजना बिरामीको उद्धार गरीएको छ । सेभेन समिट ट्रेकका डाईरेक्टर तथा कीर्तिमानी आरोहि मिङ्मा शेर्पाले बिरामी मकालु गाउँपालिका माङबितेङका नादोर्ची शेर्पाको उद्धार गरेका हुन् ।

उन्लाई आफ्नै हेलिकोप्टरबाट बिरामी र बिरामीको हेरचाह गर्ने परिवारलाई काठमाडौसम्म ल्याउन सहयोग गरेका हुन् । आर्थिक समस्याका कारण लामो समयदेखि उपचार नगरी रोग पाल्न बाध्य शेर्पाको घुडादेखि तलको भाग नचल्ने अवस्थामा पुगि सकेको छ ।

सरकारले ग्रामिणमुखि स्वास्थ्य सेवाको नारा दिए पनि गाउँसम्म अझै स्वास्थ्य सेवा पुग्न सकेको छैन् । जसले गर्दा यस्ता धेरै नागरिकको रोग पालेर बस्नु बाहेक अन्य बिकल्प बन्न सकेको छ्रैन् । बिरामीको आर्थिक अवस्था कमजोर भएका कारण उन्लाई काठमाडौमा उपचारकालागि फोटीन पिकस् एक्सपिडिसनका डिरेक्टर युवा पर्यटन व्यवसायी टासीलाक्पा शेर्पाले एकलाख रुपैया सहयोग गर्नु भएको छ ।

स्वास्थ्य क्षेत्रमा सर्वसाधरणको पहुँच नहुँदा अझै पनि ग्रामिण क्षेत्रमा रोग लुकाएर बस्नु पर्ने बाध्यता छ । अझ दुर्गम क्षेत्रमा त सहज रुपमा स्वास्थ्य सेवा पुग्न अझै धेरै बर्ष कुर्नु पर्ने देखिन्छ ।