दोलखाको कालिञ्चोक र शैलुङ डाँडामा हिमपात, किसानलाई राहत

दोलखाको धार्मिक तथा पर्यटकीयस्थल शैलुङ डाँडामा हिमपात भएको छ । शनिबार दिउँसो शैलुङ डाँडामा हिमपात भएको हो ।

शैलुङडाँडाको माथिल्लो भेगमा हिमपात भइरहेको र तलको कालापानी, ढुङ्गे बजार, बागखोर बजारका स्थानमा वर्षा भइरहेको स्थानीय सबिना तामाङले जानकारी दिइन् । वर्षा रहिमपात भएसँगै यहाँका किसान हर्षित भएका छन्। यो समय वर्षा र हिमपात हुँदा यहाँका आलु खेती गर्ने किसानलाई राहत मिल्छ ।

त्यस्तै दोलखाको धार्मिक तथा पर्यटकीय स्थलको रुपमा चिनिने कालिन्चोकमा पनि हिमपात भएको छ। यसअघि माघ फागुनमा हिमपात हुने कालिञ्चोक र शैलुङमा यो वर्ष मध्य चैतमा पनि हिमपात भएको हो । अहिले दोलखाका अन्य उच्च हिमाली क्षेत्रमा पनि हिमपात भैइरहेको छ । सदरमुकाम चरिकोट आसपासका क्षेत्रमा भने च्ट्याङसहित वर्षा भइरहेको छ ।